Dylaver TARAKU:S'din ka pshurrë pula, e me diplomë fakulteti!

nga **Agim Gashi** Mon Mar 23, 2015 12:13 am

S'din ka pshurrë pula, e me diplomë fakulteti!

Nga veshi në vesh (1)

Shkruan Dylaver TARAKU

        Ishin ulur ne një klub dy mërgimtar, kishin marrë nga një pije dhe po bën muhabet.
        - A njeve ej? – pyeti njëri nga ata.
        - Po çka ashtu o Sylë? – u interesua Lleshi.
        - Ish bo njani me fakultet.
        - Kush ashtu ej?
        - Ai që na shitke bukë pa pjekë!
        - Po thuje me emën ore burr se na tranove!
        - Po ti nuk je aq i trashë sa mos me e marrën vesh se për kënd e kam fjalën! - vazhdoj prapë Syla me avazin e tij, duke e lënë Lleshin qe të mundohej vet për ta gjetur se për kënd bëhej fjalë.
        - Po ai de, ai... Ai që i ndlirke gishtat e këmbëve dhe pa i larë fare duart, na bënte qebaba!
        - Eu Sylë, eu. Po gjithmonë e ke pasur ketë zanat të keq, me na qu kodër pas bregu! Po thuaje se kush muti është ai ose le fare këtë muhabet!
        - Po ai de, ai… Ai që tash po ju kapet të mëdhenjve si rriqna n’bythë t’kalit!
        - Aha… tash e mora vesh se për kën e ke fjalën. Ai përnime, tanë jetë ka vrapu si muqa pas daijve! Po si dreqin u bë ai me fakultet e deri dje s‘ ka diten se kah pëshurrë pula?!
        - Nuk asht ai qysh doket krejt i trash prej mendve o Llesh, jo. Ish kann shku n’Shipni për punë tjera dhe atje e kish pas gjetën një pizivenge*. Ti e din se atij edhe arshafin ia ka kajtën gjithmonë. Ajo pizivenga i kish pasën lidhjet kahmos, sepse ish kanën shumë e gjymert dhe nuk i kish pas pritue hiq asaj punës.
        - Jo, he burr?! – foli Lleshi si i habitur.
        - Po qëbesa. Krejt pahiri kish ra llafi se n'Shipni merrej fakulteti kollaj dhe ky herifi, pa nje - pa dy, i kish thanë se është i interesuar edhe vet me e krye fakultetin.
        - Haj medet, haj! Po çka i vyke ej kur s’ka gja n‘krye?! – e ndërpreu prapë Lleshi.
        - Po donte me u ba profesor ore burr!
        - Dhe …
        - Ajo pinivenga ia kish nxjerrën ketij herifit një diplomë fallse të shkollës së mesme dhe e kish pas regjistru në një fakultet privat. Ky paguajke e tjetërkush ia kryjke provimet.
        - Eu, sha tokë e qiell, çka s’po nijka njeri n’ditë t‘sodit! – quditej Lleshi.
        - Po pasha t'madhin zot. E ka rru dreqi n’tana anët o Llesh! – ia kthej Syla.
        - Ani, po thu se e ka kry a? – Pyeti sërish Lleshi nga kurreshtja.
        - Po ta merr menja... çka po mendon ti ?! E ka krye dhe tash na duhet me i thanën profesor! – e ngacmoj Syla, se e kishte parë që Lleshi kishte mbetur gojhapur.
        - Sha kishën e Sh’nanue, kurr prej gojës teme s’ka me e n‘ie fjalen profesor. Po ai thuhet profesor ati teveqeli ej, pa u hallakat njeri prej menve?! – Foli Lleshi dhe luajti vendit.
        - Ani Llesh ani, veç ai shpejt ka me u ba edhe magistër dhe qëbesa edhe doktor shkence ndoshta. E prite tani, kur ta nxanë naj pozitë t’mirë dhe t’bahësh ti miftijaq* për të! – Vazhdonte Syla ta provokonte.
        - Pasha n’jat´ Krisht o Sylë, ma para i bij plum vetit se bana miftijaq për atë hajrsuz*! Eu po... ku s’i del flaka n’tana anët, se keq u pishën kjo dynja! – E lëshoj një mallkim Lleshi dhe vazhdonte ta luante kokën në shenjë habie.
        Dhe kush e di sa kishte për të vazhduar ky dialog, sikur ata dy të mos punonin të nesërmën. Paguan pijet dhe ikën për të fjetur.
________
*Muhabet - bisedë
*Herifit - përsonit për të cilin bëhet fjalë
*Pizivenga – femër e përdalë
*Miftijaq - nevojtarë
*Hajrzuz – njëri që nuk i shihet hajri

22. 03. 2015

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30