Arbër Gashi:“Ata që mendojnë si Kadri Veseli ta dinë se Kosova përfaqësohej në arenën ndërkombëtare nga Dr. Rugova”

nga **Agim Gashi** Wed Mar 25, 2015 9:24 pm

“Ata që mendojnë si Kadri Veseli ta dinë se Kosova përfaqësohej në arenën ndërkombëtare nga Dr. Rugova”

Analizë e Arbër Gashit
Arbër Gashi:“Ata që mendojnë si Kadri Veseli ta dinë se Kosova përfaqësohej në arenën ndërkombëtare nga Dr. Rugova” Largea_rugova-veseli-6451427296178

Arbër Gashi:“Ata që mendojnë si Kadri Veseli ta dinë se Kosova përfaqësohej në arenën ndërkombëtare nga Dr. Rugova” Largea_rugova-veseli-6451427296178

Kadri Veseli, kryetari i Kuvendit të Kosovës, ka thënë se lufta paqësore e Ibrahim Rugovës nuk jepte rezultate. Ish shefi i shërbimit informativ të Kosovës tha se Serbia nuk pranonte bisedime paqësore dhe se kjo ka sjellë rezistencën ushtarake.

“Ibrahim Rugova ka bërë një formë të rezistimit. Por, dihet se kjo nuk funksiononte pasi që Serbia nuk pranonte paqësoren. Shembull ishte Kroacia dhe Bosnja, ku Arkani dhe kriminelët serbë - pasi bënin masakra - vinin e bënin xhiro në Kosovë. Kjo ka qenë arsyeja pse filluan luftën”, ka thënë Kadri Veseli.
Rreth kësaj deklaratë të Veselit, analisti politik Arbër Gashi ka thënë se edhe ai një kohë ka menduar sikurse Kadri Veseli.
“Të jemi të sinqertë para opinionit është detyrë, sepse Konferenca e Dejtonit më bëri dhe mua asokohe të mendoj për nja dy-tre muaj njësoj sikurse flet Kadri Veseli sot. Megjithatë, tani ka ardhur koha kur jo vetëm Kadri Veseli, por edhe të gjithë ata që mendojnë si ai ta pranojnë faktin që e nxjerrin në dritë dëshmitë e shumta materiale, se Kosova e viteve të 90-ta në arenën ndërkombëtare përfaqësohej përmes një lideri tepër karizmatik, të cilin bota demokratike e vlerësonte me notë maksimale dhe identifikohej plotësisht me të”, thotë Gashi për gazetën “Bota sot”.
Pra, sipas tij me politikën e presidentit Rugova identifikohej një botë e tërë e liderëve politik në lindje e perëndim, sepse ai prezantonte asokohe vlerat dhe synimet që gradualisht dhe me shumë sakrifica po bëhen themel i institucioneve më prestigjioze për ruajtjen e paqes në arenën ndërkombëtare.
“Lëvizja e rezistencës paqësore kundër pushtimit serbomadh e iniciuar nga Rugova ishte arma më e fortë që posedonte Kosova e atyre viteve. Koha po e dëshmon, se presidenti Rugova ishte i vetëdijshëm për realitetin armiqësor që e rrethonte, ishte njohës shumë i mirë i mentalitetit tonë, i njihte në detal dobësitë e shtetit shqiptar të kohës dhe pasojat që kishte lënë atje lufta vëllavrasëse, sistemi komunist dhe izolimi i plotë gjysmëshekullor. Mbi të gjitha, Rugova e njihte shumë mirë historinë e Kosovës, kontributin e saj dhe luftën shekullore për çlirim e bashkim me Shqipërinë”, thekson ai.
Gashi pohon se, Rugova ishte shumë mirë i informuar edhe mbi tradhtinë që ishte bërë ndaj institucioneve politike dhe ushtarake të Kosovës gjatë Luftës së Dytë Botërore nga forcat e bashkuara komuniste serboshqiptare.
“Presidenti Rugova kishte parasysh viktimat e panumërta të popullit shqiptar të Kosovës gjatë Luftës së Dytë Botërore, viktima të cilat sot e kësaj dite nuk i përmend dhe përkujton asnjëherë Kadri Veseli me shokë. Qëllimi i Rugovës pra, ashtu siç e nxjerrin faktet që disponojmë, ishte shmangia me çdo kusht e ripërsëritjes së historisë tragjike për Kosovën dhe shqiptarët. Përballë kësaj përpjekje titanike të presidentit Rugova dhe mbështetësve të tij për internacionalizimin e çështjes së Kosovës, në krahun tjetër kishte edhe organizime, përpjekje dhe veprimtari që synonin përgatitjen e rezistencës së armatosur”, thotë Gashi.
Më tej Gashi thotë se, në këto organizime të rezistencës së armatosur spikatnin dy rryma; njëra ishte përpjekje institucionale e shqiptarëve të Kosovës dhe rryma tjetra që posedonte përkrahjen e parezervë të komunistëve të Tiranës dhe të cilët kërkonin marrjen e pushtetit përmes infiltrimit të kuadrove në institucionet e atëhershme dhe rrëzimin e presidentit Rugova.
“Pra, në atë kohë kemi të bëjmë me dy organizime ushtarake, njëra institucionale dhe e drejtuar ekskluzivisht kundër okupatorit serbomadh dhe tjetra që synonte deklarativisht dëbimin e Serbisë, por parësore kishte marrjen e pushtetit me çdo kusht. Pjesë e luftës për kapjen e pushtetit me çdo kusht ishte edhe Kadri Veseli, ish shefi i SHIK-ut dhe kryetar aktual i Parlamentit të Kosovës”, thotë analisti politik Arbër Gashi. Bota sot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30