Bajram Osmani - Tri javë pas kuvendit të LDK së, mungon reflektimi i delegatëve!

nga **Agim Gashi** Mon Jun 22, 2015 1:24 am

Bajram Osmani

Tri javë pas kuvendit të LDK së, mungon reflektimi i delegatëve!

Bajram Osmani - Tri javë pas kuvendit të LDK së, mungon reflektimi i delegatëve! 11222302_961972913842488_8691788310855654960_n

Bajram Osmani - Tri javë pas kuvendit të LDK së, mungon reflektimi i delegatëve! 11222302_961972913842488_8691788310855654960_n

Edhe tri javë pas Kuvendit të LDK së, si duket ndërgjëgjesimi i delagatëve ende nuk shihet në horizont. E themi këtë ngase disa pyetje permanente që rrjedhin si domosdoshmëri e kohës janë:
A janë të ndërgjeshëm delagatët apo jo?
A kuptojnë ata se heshtja para asaj që ndodhi (gjatë punimeve) është e barabartë me përgjegjësinë e përbashkët?
A kanë reflektuar ata, derisa ndodhi anulimi i kuvendeve të degëve më të medha në diasporë, (degës se Zvicrrës dhe Gjermanisë), si dhe mos lejimi i delegatëve te këtyre degëve që të marrin pjesë ne punimet e kuvendit?
A e kuptuan ata, se moslejimi i kandidimit të znj. Vjosa Osmanit ishte më shumë se turp për një parti me traditë demokratike, ishte dhunim i skajshëm i demokracisë dhe ngulfatje e vullnetit të elektoratit?
A mendojnë ata se perjashtimi është e kundërta e afrimit dhe unifikimit të vlerave rugoviane në parti?
A janë të vetëdijshëm ata se LDK me këto mënyra të sjelljes shkon kah humbja e elektoratit definitive e elektoratit të saj?
Si duket, JO! Këta nuk janë në gjendje ta ndajnë „shapin prej sheqeri“, ose janë injorant politik ose të „kapur“ nga lideri i partisë mu ashtu siq është i „kapur“ shteti nga mafia politiko, ekonomike pas 17 shkurtit 2008-të?
Po të reflektonin sadopak, me siguri se do të uleshin mbas kuvendit dhe do t´i analizonin me kujdes gjërat. Të reflektoninin dhe të konkludonin se diqka me LDK-në nuk është në rregull dhe duhet diqka të ndryshohet!
Sikur t'u hapej rruga kandidimeve të lira për kryetar, do hapej rruga për mirëvajtje të rregulltë të punimeve, dhe pastaj edhe do shtrihej dora e pajtimit, edhe nëse dikush do të pësonte humbje. Kjo nuk ndodhi, dhe për pasojë e kemi këtë gjendje të zymtë dhe të pashpresë në LDK!.
Andaj duhet me urgjencë që të ndryshohet diqka në këtë drejtim. Të ju mundësohet kandidimi të gjithë atyre që e meritojnë, secili ta gëzoj të drejtën për të zgjedhë dhe për të qenë i zgjedhur përmes votimit të fshehtë në partinë e vlerave rugoviane!
Votimi me aklamacion në Kuvendin e fundit, nuk është praktikë e shoqërive demokratike dhe nuk i përmbushë kërkesat e elektoratit. LDK si parti e krahut të djathtë duhet doemos që të reformohet dhe të ripërtrihet me kuadro të reja. Vetëm kështu do të ndalet „anija“ nga fundosja. Fundosja e një „Titaniku“ siç është LDK-ja, do të ketë pasoja afatëgjata për vendin dhe shoqërinë kosovare në përgjithësi. Andaj, të punojmë të gjithë në drejtimin e shpëtimit të „Titanikut“ të quajtur LDK!
Të reflektojme pozitivisht dhe njeherë e përgjithmonë ta kemi guximin që të themi se diqka nuk është në rregull me LDK-në, diqka nuk është në rregull me shoqërinë Kosovare. Një LDK e shëndoshë është shpëtim për Kosovën, ndërsa një LDK e „kapur“ është e kundërta, një përmbysje kotastrofale për Kosovën. Mendojeni njëherë PDK-në e „kapur“ dhe „prijësin“ e saj Thaçi, për 7 vjet qeverisje, çka bënë ata? Nuk dua që tani t´i përsërisë dështimet e tij, ngase ato janë të njohura për opinion e gjerë kosovar.
Dëshira ime dhe e shumicës se elektoratit është që LDK mos t´i përkrahë ata qe dështuan totalisht, por të mbetet ajo qe ishte dikur, front popullor dhe gjithnjë në anën e popullit. Elektorati i LDK-se nuk është në anën e të dështuarëve por ne anën e atyre që mendojnë se mund të qeveriset ndryshe. Ndryshe do të thotë: një LDK pa struktura të SHIK-ut, pa korrupsion, pa krim ekonomik dhe politik, pa haraq, pa familjarizëm, pa inate personale,... një LDK e ç'kapur nga strukturat mafioze, klanet dhe grupet tjera të interesit që ua kanë zënë frymën ndryshimeve pozitive në këtë subjekt!
Alternativat për zgjidhje janë të shumta, vetëm duhet vullnet dhe guxim qytetar, bashkëpunim dhe tolerancë rugoviane.

Zoti e bekoftë vullnetin e elektoratit rugovian!

Bajram Osmani*
(*Autori është kryetar i LDK – Bodensee Oberschwaben, kryetar i Shoqatës kukturore "Dardania" si dhe anëtar i rregullt i këshillit për integrim të qytetit të Ravensburgut, Baden Württemberg - Gjermani)
Photo e huazuar: Vdiq ndërgjegjja

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30