Deputetja turke në Bundestag’un gjerman, sulmon randë Kosovën dhe UÇK!

nga **Agim Gashi** Mon Jun 22, 2015 9:11 pm

Deputetja turke në Bundestag’un gjerman, sulmon randë Kosovën dhe UÇK!

Jun 22, 2015

Deputetja gjermane me origjinë turke e partisë së ekstremit të majtë, Sevim Dağdelen, ka lëshue akuza të forta ndaj Kosovës dhe UÇK’s në seancën e Bundestagut gjerman kur diskutohej zgjatja edhe për nji vit e mandatit të trupave gjermane në KFOR, – raporton Rrokum.Tv.
Ajo e ka kundërshtue dërgimin e trupave gjermane jashtë vendit, tu’ i ba thirrje parlamentit që me e kthye Gjermaninë te politika neutrale dhe paqësore.
Rrokum Tv mëson se mes të tjerash, Sevim Dağdelen ka thanë se Bundesëehr’i gjerman ka qenë për 16 vjet në Kosovë, e simbas saj, nuk ka arritë asnji nga objektivat që ka pasë. Deputetja me origjinë turke ka sulmue ashpër UÇK’n dhe ish-liderët e saj që tash drejtojnë qeverinë e Kosovës, të cilët, simbas saj, kanë lidhje me sulmet e fundit “terroriste” në Maqedoni dhe vendet fqinje. Ma tej, deputetja gjermane ka pyetë se si asht e mundun që nën sytë e ushtrisë gjermane dhe trupave të tjera të NATO’s, Kosova u ba ndër rajonet prej nga ma s’shumti dalin ekstremistë islamikë për ISIS në Irak e Siri.
Fjalimi i saj, i ndëpremë prej duartrokitjeve të deputetëve të majtë në Bundestag, por edhe nga kundërshtimet e nji deputeti, ka vazhdue ma tej me deklarimet se Kosova asht kthye në nji strehë vorfnore të Europës. Njerëzit atje, – tha deputetja me origjinë turke tu’ iu referue Kosovës, – po e kundërshtojnë sistemin thellësisht të korruptuem.
Por Sevim Dağdelen ka shkue edhe ma tej. Mes kundërshtimit të nji deputeti nga SPD, ajo ka citue deklaratën, qe simbas saj ka ba ish-kancelari gjerman Gerhard Schröder, njiherit deputet i SPD, se bombardimi i Jugosllavisë ishte i paligjshëm nga pikëpamja e ligjit ndërkombëtar.
Në faqen e saj zyrtare, botohet i plotë fjalimi i deputetes së esktremit të majtë me origjinë turke, Sevim Dağdelen. Ajo asht deputete e partisë së majtë “Die Linke”, e cila ka 64 ulëse në Bundestag‘un gjerman me 631 deputetë.

Rrokum.tv

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30