FRM në mbrojtje të hoxhës Irfan Salihu dhe me shumë akuza e fyerje ndaj Alma Lamës

nga **Agim Gashi** Fri Jul 24, 2015 10:52 am

FRM në mbrojtje të hoxhës Irfan Salihu dhe me shumë akuza e fyerje ndaj Alma Lamës

23 Korrik 2015

Forumi i të rinjve myslimanë, me një kumtesë dërguar medieve, ka lëshuar një varg akuzash e fyerjesh kundër deputetes së LDK-së Alma Lama, ka akuzuar Gjyqësinë, siç ka thënë kumtesa, të jetë e kapur nga Alma Lama, ndërsa ka mbrojtur hoxhën Irfan Salihu të cilin BIK, për shkak të predikimeve të tij, e ka suspenduar nga puna.

Kumtesa thotë se Forumi i të Rinjve Myslimanë u trondit nga sulmet e ulëta dhe rrugaçe dhe fyerjet që ajo bëri kundër hoxhës së nderuar Irfan Salihu të cilin ajo në mënyrë fashiste e quajti "armik të demokracisë e të vlerave njerëzore", FRM si organizatë misioni i së cilës është të mbroj dinjitetin e popullit të Kosovës, reagoi në mënyrë të drejtë për drejtë dhe pa frikë. Në komunikatën “FRM denoncon fjalimi urrejtjenxitës të refugjates Alma Bashkim Lama” organizata jonë i bëri thirrje faktorit politik në Kosovë që të dënojë dhe distancohet nga fjalët vulgare, fashiste dhe të paedukatë të Alma Lamës, transmeton Koha.net.
Përkundër këtij skandali, siç i quan FRM fjalët e Alma Lamës, shumica e shoqërisë civile në Kosovë nuk reagoi si duhet kundër Alma Lamës, thotë kumtesa e cila vazhdon:
E trimëruar nga mbështetja e personave raciste dhe islamofobë, Alma Lama dhe vëllai i saj Fisnik Lama kanë vazhduar prej vitesh me kërcënime dhe shantazhe kundër myslimanëve të Kosovës. Shtetasi nga Shqipëria, Fisnik Lama shkoi deri aty sa të kërcënoj me përdhunim familjar anëtarin tonë, Noli Zhita.
Kumtesa e FRM-së ankohet në vendimin gjykatës themelore të Kosovës, e cila, sipas kumtesës, gjykatësi Vesel Ismalji ftoi të paraqitet në gjykatë të kërcënuarin nga Alma Lama dhe vëllai i saj, Noli Zhitën.
Në momentin kur Noli Zhita u paraqit në gjykatë, gjykatës Veseli tregoi se Noli Zhita e paska etiketuar Alma Lamën me fjalë fyese, ndër të cilat ka thënë "Alma Lama, të cilën fati e solli nga katundet e Shqipërisë në Kosovë dhe nuk e çoi si shumë nga shoqet e saj në semaforët e Italisë si prostitutë". Dhe për këtë Noli Zhita u dënua me gjobë.
Policët që Alma Lama kishte mobilizuar ishin myslimanë dhe qytetarë të drejtë, thotë kumtesa. Ata e dinin që Noli Zhita ishte i pafaj, por treguan se nga presioni që kishte bërë Alma Lama e kishte detyruar komandantin e policisë që t’më ftonin mua në stacionin policor. Ata më këshilluan ti largohem debatit, pasi që kemi të bëjmë me njerëz që kanë ndikim në shtet. Me pak fjalë nga deponimet e policisë kuptohet që dënimi që po i bëhet Noli Zhitës nuk vjen për faktin se Noli Zhita është fajtor, por për faktin se shtetësja e Shqipërisë, Alma Lama, po e përdor shtetin e kapur nga mafja në Kosovës në mënyrë mafioze dhe personale për të kërcënuar fjalën e lirë, lirinë e mendimit dhe shoqërinë civile të Kosovës.
Kumtesa përfundon se “Noli Zhita dëshmon se kur në vitin 2013 ka shkuar në polici dhe ka denoncuar kërcënimin e Alma Lamës dhe Fisnik Lamës, policët janë frikësuar të marrin në dorë rastin në fjalë si pasojë e presionit jashtëligjësor që Alma Lama ushtron mbi organet e policisë”.
© KOHA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30