Ja kush u vra mbrëmë në Prizren (Foto)

nga **Agim Gashi** Tue Sep 08, 2015 12:51 pm

Foto nga vendi i ngjarjes

Ja kush u vra mbrëmë në Prizren (Foto)

Një i vrarë e tre të plagosur nga të shtënat në Prizren

(I plotësuar) Burime të afërta me rastin në Prizren, kanë treguar se personi i vrarë sonte në Prizren është Hekuran Morina, ndërsa njëri nga të plagosurit është vllau i tij, Fadil Morina.
Po të njëjtat burime kanë bërë të ditur se dorasi është një person, i cili është rrahur muaj më parë nga vllezërit Morina.
Ndërsa, Policia e Kosovës ka lëshuar një komunikatë ku shpjegon në detaje vrasjen e ndodhur sonte në Prizren.

Hekuran Morina

- Sipas Policisë, ngjarja ka ndodhur rreth orës 20:30 minuta. Motiv i këtij incidenti dyshohet të jetë zhvatja.
“Rreth orës 20:30 minuta policia në Prizren ka pranuar një informacion i cili bënte me dije se tek rrethi i Bazhderhanës ka ndodhur një incident rëndë i cili ka lënë të vdekur një mashkull ndërsa tre të tjerë kanë mbetur të plagosur, njëri prej tyre me rrezik për jetën”, njofton Policia e Kosovës në rajonin e Prizrenit.
“Nga të plagosurit njëri është kalimtar i rastit ndërsa i vrari dhe dy të plagosurit tjerë ishin cak i sulmuesve që tash për tash ndodhën në arrati, por të njohur për policinë. Në vendin e ngjarjes për hetimin e rastit kanë dalë eprorë të lartë të Drejtorisë rajonale dhe kryeprokurori i prokurorisë themelore. Në kërkim të të dyshuarve janë bastisur dy shtëpi por nuk janë gjetur. Motivi i këtij incidenti dyshohet të jetë zhvatja”, thuhet më tutje në njoftim të Policisë.
* * * * *
Një ngjarje tjetër e rëndë tronditi në orët e mbrëmjes qytetin e Prizrenit.
Nga shkëmbim me armë të zjarrit në mes të disa personash që gjendeshin në dy automjete, mbetet i vrarë një person, ndërsa janë plagosur edhe tre të tjerë, njëri në gjendje të rëndë.
Në vendngjarje kanë dalur forcat policore dhe kryeprokurori i shtetit.
Dorasi ende nuk ka rënë në prangat e policisë, pasi mendohet që pas ngjarjes të jetë larguar me shpejtësi në drejtim të paditur.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30