Kush do të jenë të arrestuarit e parë? Gazëlotsjellësit apo gjakëzënët!

nga **Agim Gashi** Wed Oct 21, 2015 3:51 pm

Kush do të jenë të arrestuarit e parë? Gazëlotsjellësit apo gjakëzënët!

Çfarë do të ndodhë me heronjtë e dyshuar? Çfarë do të ndodhë nëse në mes të kësaj tollovie fillon arrestimi i komandantëve? Çfarë do të ndodhte me ta nëse ata akuzohen për vrasjet politike? Këto janë disa dilema që nuk po gjejnë zgjidhje ndër shqiptarët në Kosovë.
A do të keqpërdoret situata dhe në vend të qetësimit të gjakrave të ndodhë një pështjellim i atillë që mund të rrezikojë çdo gjë, të tashmen dhe të ardhmen e vendit.
Në gjithë këtë pakënaqësi me marrëveshjet me Serbinë dhe me Malin e Zi, për të cilat po hesht populli, motor i vetëm i ruajtjes së energjisë për shprehje të pakënaqësisë duket se është vetëm rreziku me të cilin po kanosen figura të fuqishme të disa partive, kryesisht të PDK-së, por edhe të AAK-së dhe Vetëvendosjes. Ndryshe nuk ka se si nga buron gjithë kjo energji, që po artikulohet në emër të popullit dhe populli vërtetë po rri indiferent.
I tradhtuar nga klasa politike prej vitesh, ai po e tregon zhgënjimin tek ata nëpërmjet mospërfilljes, moskokëçarjes për çdo gjë që artikulon opozita sot, pavarësisht se sa të rrezikshme janë marrëveshjet dhe pavarësisht se sa humb Kosova prej tyre.
Kjo apati dhe indiferencë për fatin e vendit qe treguar edhe muaj më parë kur iknin mijëra e mijëra shqiptarë refugjatë, gati 10 për qind e popullsisë për një periudhë kohe më pak se një vjeçare, por që të paktën zyrtarisht Gjermania deklaroi më në fund se ishin 100 mijë shqiptarë, që po kërkonin azil atje, por një pjesë tjetër ndodhet edhe në shtetet tjera perëndimore si në Austri, Belgjikë, Francë etj.
Andaj sot populli po ua jep leksionin që të gjithëve, nuk e do pushtetin, por as opozitën, sepse shpresat e tij duken të manipuluara nëse do ti besonte atyre.
Kështu që situata shumë lehtë mund të rrëshqasë jashtë kontrollit, por jo se do të bëhet vërtetë nga populli, por nga grupe të ngushta, që i përshkruam se kanë më së shumti interes t’ia vënë vendit flakën, në një vend ky arsyeja politike dhe vendimet për interesa kombëtare kanë humbur.
Takimet e ftuara nga presidentja Jahjaga nuk sollën asnjë risi sipas asaj që e ka komunikuar opozita se pas takimeve në Presidencë nuk kishte marrëveshje, nuk kishte ndryshim qëndrimesh, sikurse kishte pohuar edhe një ditë më parë, koalicioni qeverisës.
Ndërkohë, kryesia e Kuvendit e ka caktuar mbledhjen e Kuvendit për të premten pasdite, duke i dhënë më shumë se 24 orë kohë për marrëveshje opozitës. Këto ditë të mbetura, duhet shfrytëzuar maksimalisht, që të funksionojë ideja dhe vullneti amerikan, që i jep mbështetje të fuqishme këtij dialogu të nisur nga Presidentja.
Ndërkohë, institucionet e drejtësisë dhe hetuesisë kanë përcaktuar daljen para drejtësisë të Albin Kurtit dhe Albulena Haxhiut, ndërsa nuk ka një vendim për dy deputetët tjerë, Donika Kadajn dhe Faton Topallin, që po ashtu hodhën gaz lotsjellës në seancën e fundit. Arrestimi eventual i tyre dhe vet seanca mund të nxisin dhunë, për të cilën po flitet aq shumë. Por, kush do të jenë të arrestuarit e parë këta hedhës të gazit lotsjellës apo mund të kemi një reagim të përnjëhershëm, që të arrestohen edhe ata që mund ti ketë nxënë gjaku shqiptarë për vrasjet politike. BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30