Idriz Morina:Rrugët satanike po shfaqen! A mund të mbrohen shqiptarët?

nga **Agim Gashi** Mon Nov 16, 2015 3:04 pm

Idriz Morina:Rrugët satanike po shfaqen! A mund të mbrohen shqiptarët?

Nga po shkon Kosova? Rrugët të trazuara në të gjitha anët, ndërsa turbullira e brendshme është një pikë tjetër dobësie që po e përshkon Kosovën.

Terrori në Paris ka rizgjuar një pjesë të fjetur të ndërgjegjes njerëzore. Reagimet e shtuara nëpërmjet rrjeteve sociale, munden që të paktën përkohësisht t’ia ndryshojnë rrjedhën sfidave të grupeve të fshehta me prirje shpesh kriminale e ndonjëherë edhe satanike.
Shqiptarët janë gjetur sërish në një udhëkryq botëror, tërësisht të mjegulluar, duke bërë betejë me vetveten për rreth dy dekada, në Kosovë dhe në Shqipëri, duke vuajtur tranzicionet shoqërore.
Por, kjo tejzgjatje tranzicioni nuk ka lejuar konsolidim shoqëror dhe as të shtetit. Shqiptarët sikur të parët i dorëzuan armët, dhe nisën të bëhen përqafues të globalizmit, të njeriut të ri, pa identitetin vetanak, pra të njeriut që ka hequr dorë nga e kaluara e tij.
Këto hapërime të shpejta, dritëthyera, pa vizion për të ardhmen dhe të mashtruar nga iluzioni i ‘botës që po vjen’, ata nuk ia dolën të konsolidojnë shtetet.
Ndërkohë, pak ditë më parë pamë përpjekjet e Serbisë për të fuqizuar ushtrinë e saj me armatimin më të mirë rus, ndërsa ushtria e Shqipërisë, as pa skuadrilën e aeroplanëve tashmë primitiv, e Kosova nuk ndodhet askund fare.
Kosova ka mbetur në batakun e bisedimeve me Serbinë, e cila në njërën anë përgatitet për luftë, ndërsa në anën tjetër çdo marrëveshje të deritashme të bërë nga Kosova me bashkësinë ndërkombëtare, që nga Rambujeja vazhdon ti sfidojë, ndërsa me bisedimet në Bruksel kërkon që Kosova ta humb përfundimisht sovranitetin e brendshëm, pra që shqiptarët nuk do të jenë më vendimmarrës, por thjesht një shoqëri e tëhuajsuar shqiptare, ku pret fatin e vet t’ia përcaktojnë pakicat, si ajo serbe.
Ndërkohë, që një intelektual amerikan, si David Filips, i akuzuar madje se mbante edhe anën e serbëve, vlerëson tronditshëm për politikën e Kosovës, se asimetria e pushtetit, dhe kompetencat që po u jepen serbëve, është një projekt millosheviçian. Më tmerrshëm nuk mund të goditej një politikë në Kosovë!
Por, është mirë, që Qeveria e Kosovës, por edhe kryeministri Isa Mustafa ka filluar ta kuptojë se agresiviteti serb i treguar ndaj Kosovës për të mos lejuar anëtarësimin e shtetit tonë atje, është në vetvete tmerrues.
Pra, kjo politikë dhe diplomaci serbe nuk lë vend për kompromise të mëtejshme ndaj Serbisë, përkundrazi do të ishte një dështim i vullnetshëm ndaj Serbisë!
Edhe Kosova, veçmas raportet tona me Serbinë nuk mund të shihen jashtë ngjarjeve të Parisit.
Disa herë kemi shkruar se informacionet çojnë në përzierjen e sigurimit serb në krijimin e vehabizmit dhe rrymave tjera radikale në Kosovë. I. Morina

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30