Mustafa: Kot e kanë, nuk ka tërheqje të asnjë nënshkrimi

nga **Agim Gashi** Wed Nov 18, 2015 11:21 pm

Mustafa: Kot e kanë, nuk ka tërheqje të asnjë nënshkrimi

Kreu i ekzekutivit, Isa Mustafa i cili po qëndron në Bruksel ka thënë se nuk ka asnjë tërheqje të nënshkrimeve dhe se një kërkesë e tillë nga opozita është e kotë.
Mustafa ka thënë se do të ketë vetëm respektim të vendimeve të Gjykatës Kushtetuese dhe institucioneve të vendit.
Ai në një intervistë dhënë për “Radiotelevizionin 21”, ka thënë se gjatë takimeve që ka pasur gjatë ditës së sotme me përfaqësues në BE-së në Bruksel, pamja që është transmetuar nga Prishtina është e pa pranueshme.
“Në takimet që i kam zhvilluar në Bruksel me përfaqësues të lartë edhe është diskutuar situata në Kosovë dhe është absolutisht e papranueshme nga ana ime e edhe e tyre sjellja që është parë sot në Prishtinë. Është e papranueshme të shkatërrohet prona publike dhe private”, ka thënë kreu i ekzekutivit. Kot e kanë nuk ka tërheqje të asnjë nënshkrimi, por vetëm respektim të vendimeve të Gjykatës Kushtetuese dhe institucioneve të Kosovës”, Isa Mustafa për “RTV 21”.
Ai po ashtu ka dhënë edhe një lajm të mirë për qytetarët e Kosovës, duke thënë se vitin e ardhshëm do të udhëtojnë pa viza.
“Nesër me Junker do të bisedojmë në lidhje me liberalizmin e vizave. Ne mendojmë që kriteret e kërkuara nga BE dhe KE dhe nuk duhet të vonohet kjo çështje. Unë besoj shumë që ata me kujdes do ta shqyrtojnë përmbushjen e kritereve nga ne dhe të vijnë me vendim pozitiv në mënyrë që qytetarët e Kosovës vitin tjetër të lëvizin pa viza”, ka thënë Mustafa.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31