Vullnet Mato AH, KJO BOTA SHQIPTARE!...

nga **Agim Gashi** Mon Jan 04, 2016 1:57 pm

Vullnet Mato

AH, KJO BOTA SHQIPTARE!...
Vullnet Mato AH, KJO BOTA SHQIPTARE!... 12400702_1656372057964445_6211670522091496142_n

Ah, kjo bota shqiptare, me ecje zvarranike,
si në dimër me akull dhe me diell në verë!
Ku ndizen e shuhen vetëm fishekzjarre politike
dhe njeriu i thjeshtë ndjehet pa asnjë vlerë!...

Ku kërkojmë ndryshimin e monotonisë,
se zhurmat e zemërimit s’na lënë të qetë,
ku zhytur në dëshpërimin e papunësisë,
ankimet tona tretën si kripa në det...

Ku pensionisti merr më pak se një përqind,
të pagës disa milionëshe të pushtetarit
dhe ky, koston e frymës së fundit, ia rrit,
herë pas here, ta mbulojë shpejt rrasa e varrit.

Kjo botë i bëri njerëzit braktisës në ikje,
të gjejnë vatra të huaja, për hyzmeqarë,
t’i lënë vatrat e mallit, shumë vite në fikje,
të lindin fëmijë gjuhë-krasitur e vetmitarë.

Ëndërruam të çelnin ngjyrime të reja jete,
horizonte të kthjellëta të kishim në shpirt,
të na shihnin sytë, në çdo sy, buzëqeshje,
Jo vetëm brenga, burgosje e gjobitje përditë.

Të kishin vlerë më tepër, se një karrige zyrtari,
të zgjidhej e nderohej shpirti më i aftë njerëzor,
Jo të shpërfillemi si gjethet që shkërmoq janari,
nga mediokrit që lartohen me miliona nën dorë!...

Ç’janë këta“heronj” të rinj, pa vepra heroike,
mbirë si kërpudha, pas shiut të fjalëve me rrebesh,
kur mbillen premtime e korren harresa sklerotike,
dhe asgjë s’ndryshon e njeriu pret kot e hesht?...

Kur dikush pa emër vjen e shemb ç’ka ngritur tjetri
dhe përsëritet kurdoherë e njëjta metodologji,
fillohet nga zeroja, duke mohuar më të vjetrit,
për të bërë emër, pa hapur faqe të re në histori.

Kur kositen viktima në të gjithë meridianët botëror,
nga hashashi dhe mariuana e “Kolumbisë albanese”,
kur gjuetia e njeriut, zëvendëson gjahun pyjor,
dhe shpesh gjahtarët mbeten pa koordinata adrese.

Ç’dreq bote qenka kjo e jona, pa ecjen së larti,
teksa jeta mbledh veç lëmshe të mëdhenj kotësie?!…
Kur himnizohet “vrima” me çmimin kryevepër arti,
që nxit të ngjizen zyrave më shumë bebe fshehtësie...

Nuk jam nihilist, të mohoj pak rrëke zhvillimore,
por sot priten lumenj begatie, që të zbutin hallet,
të ketë vërshime energjie në tërë botën arbërore,
të ngrihen e bashkohen urat, me botën e madhe...

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31