Adem Salihaj reagon ndaj Isa Mustafes: A i zuri peng SHIK-u deputetët e LDK-së në një skutë të kuvendit?

nga **Agim Gashi** Sat Feb 27, 2016 3:24 pm

Adem Salihaj reagon ndaj Isa Mustafes: A i zuri peng SHIK-u deputetët e LDK-së në një skutë të kuvendit?

Deputeti i Lidhjes Demokratike të Kosovës, Adem Salihaj ka reaguar ndaj kryetarit të LDK-së, njëherit edhe kryeministër i Kosovës, Isa Mustafes.
“Kur rezultati nuk po shkonte në favor të zgjedhjes së Thaçit president dhe deputetët e LDK-së po mundoheshin të luftonin me ndërgjegjen e tyre,përnjëherë u zbraz salla e kuvendit dhe nuk mbeti asnjë deputet aty. Ku shkuan,ku i dërguan,a i zuri peng SHIK-u diku në një skutë të kuvendit dhe po u kërcënohej se do t'ua bënte më zi se atyre tjerëve?”, ka shkruar Salihaj.

Ja psotimi i plotë:

NJË PËRGJIGJE PËR NJË POSTIM

Dje,kur po mbahej seanca e zgjedhjes së Thaçit president,disa nga ne deputetët nuk ishim aty,sepse na thirri ndërgjegja jonë dhe zëri e elektoratit të LDK-së,të cilit i ishim betuar sa e sa herë se kurrë nuk do të bëjmë koalicion me PDK-në dhe kurrë nuk nuk do ta votojmë Thaçin president. Siç e dinë të gjithë, LDK-ja gjithmonë e ka mbajtur Thaçin përgjegjës për vrasjen e njerëzve më mirë e më atdhetarë të LDK-së dhe të Kosovës. Kur rezultati nuk po shkonte në favor të zgjedhjes së Thaçit president dhe deputetët e LDK-së po mundoheshin të luftonin me ndërgjegjen e tyre,përnjëherë u zbraz salla e kuvendit dhe nuk mbeti asnjë deputet aty. Ku shkuan,ku i dërguan,a i zuri peng SHIK-u diku në një skutë të kuvendit dhe po u kërcënohej se do t'ua bënte më zi se atyre tjerëve ? Megjithatë, në fund u kthyen,ndonëse me fytyra të zbehura. E votuan Thaçin me shumicë dërmuese votash.I lumtur per këtë,i pari ia uroi Isa Mustafa,kryetari i LDK-së. Deputeteët e LDK-së dolën nga salla pa duartrokitur dhe kokulur. Por, thashë, së paku,mirë që janë gjallë. Se fytyra nuk i bie copë askujt,thotë populli.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30