PDK tenton të “djegë” Hashim Thaçin! Gresa BajraktariNGA GRESA BAJRAKTARI

nga **Agim Gashi** Fri Jul 29, 2016 1:34 pm

PDK tenton të “djegë” Hashim Thaçin!

NGA GRESA BAJRAKTARI
PDK tenton të “djegë” Hashim Thaçin! Gresa BajraktariNGA GRESA BAJRAKTARI Auto_thaci1469785894

Hashim Thaçi

“Kundërshtimin e deputetëve të PDK-së e shoh në dy mënyra: e para, mund të jetë politikë e vetë Hashim Thaçit, i cili dëshiron të tregojë fuqinë e tij brenda ish partisë së tij, ashtu siç ishte rasti me votimin e Gjykatës Speciale dhe e dyta, mund të jetë partia e cila dëshiron që ta djegë ish liderin e saj, për t’ia humbur fuqinë që posedon, sepse në rast se nuk ratifikohet kjo marrëveshje, nënshkruesit e saj duhet të ndjekën penalisht”, ka thënë Krasniqi.

Çështja e Marrëveshjes së Demarkacionit me Malin e Zi vazhdon të jetë tema më e diskutuar politike.

Ratifikimi apo mosratifikimi i saj është ajo që deputetë e analistë japin mendimet e tyre.
Një debat për Demarkacionin është paraparë të mbahet me 3 gusht, megjithëse ende nuk dihet saktë nëse do të ndodh.
Në ndërkohë, kundërshtimet vazhdojnë.
E në anën tjetër, nënshkruesit e marrëveshjes këmbëngulin që të bëhet ratifikimi i saj.
Presidenti i Republikës së Kosovës, Hashim Thaçi thotë se marrëveshja duhet të ratifikohet dhe se Kosova nuk humb asgjë nga kjo marrëveshje.
Por, së fundmi, kundër ish kryetarit të PDK-së, kanë dalë deputetë të kësaj partie, duke thënë se kufiri me Malin e Zi nuk është sipas Marrëveshjes, madje thonë se nuk janë as votat e mjaftueshme për ta votuar.
Nënkryetari i Kuvendit Xhavit Haliti ka thënë se koalicioni qeveritar PDK dhe LDK nuk i ka votat e mjaftueshme për të votuar demarkacionin me Malin e Zi. Ai ka shtuar se mos votimi do të shkaktojë pasoja për Kosovën, andaj, sipas tij, duhet një ndërhyrje e bashkësisë ndërkombëtare pasi që siç ka thënë Haliti “Mali i Zi është në NATO dhe kushdo që e cenon është në problem me NATO-n”.
Kundër marrëveshjes së Demarkacionit është shprehur edhe shefi i grupit Parlamentar të PDK-së, Adem Grabovci, i cili ka thënë se duhet arbitrazh ndërkombëtar për këtë çështje, duke shtuar se nuk e di nëse do ta votojë, pasi do të konsultohet me ekspertë për këtë.
Por, deputetët e ish partisë po dalin kundër asaj që ka nënshkruar dhe po kërkon të votohet, ish llderi i tyre.
Lidhur me këtë, analisti Islam Krasniqi ka thënë për gazetën Bota Sot se Thaçi po insiston me çdo kush të ratifikohet marrëveshja e Demarkacionit, ndërsa kundërshtimin e deputetëve e sheh në mënyra të ndryshme.
“Kundërshtimin e deputetëve të PDK-së e shoh në dy mënyra: e para, mund të jetë politikë e vetë Hashim Thaçit, i cili dëshiron të tregojë fuqinë e tij brenda ish partisë së tij, ashtu siç ishte rasti me votimin e Gjykatës Speciale dhe e dyta, mund të jetë partia e cila dëshiron që ta djegë ish liderin e saj, për t’ia humbur fuqinë që posedon, sepse në rast se nuk ratifikohet kjo marrëveshje, nënshkruesit e saj duhet të ndjekën penalisht”, ka thënë Krasniqi.
Një mendim ndryshe ka analisti Leon Duhanaj, sipas të cilit, kundërshtimi i deputetëve nuk ka të bëjë me individë apo presidentin Thaçi, por janë reflektim i tyre.
“Çështja e demarkacionit mes Kosovës dhe Malit të Zi, ka shkuar aq larg duke u politizuar sa që për një kohë të gjatë si pasojë e kundërshtive, bojkoteve as nuk kishte gatishmëri për dialog konstruktiv dhe për zgjidhje. Demarkacioni është çështje me interes nacional dhe, si e tillë kërkohet të trajtohet me konsensus të plotë. Hamendësimet e deputetëve, janë të kuptueshme, pasi që është investuar maksimalisht në një propagandë që po tjetërsohet apo po shitet territor tradhtisht. Prandaj deputetët janë të pasigurt përderisa nuk dalin grupet eksperte me një vendim të përbashkët. Askush nuk dëshiron ta çoj dorën dhe të votoj një vendim që shkon në dëm të territorit të vendit. Në anën tjetër askush nuk dëshiron të bëhet pjesë e bllokadës e cila po ashtu shkon në dëm të integrimit të vendit”, ka thënë Duhanaj për gazetën Bota Sot.
Ai shton se data e 3 gushtit është e rëndësisë së veçantë, duke shpresuar që palët të ulen dhe të gjejnë zgjidhjen më të mirë për vendin.
Rebelim nuk e konsideron as zëdhënësi i AAK-së, Muharrem Nitaj, i cili i ka thënë gazetës Bota Sot se kundërshtimi mund të jetë ndihmë për ata që ishin pro saj.
“Besoj që kjo mund të jetë një ndihmë për të gjithë ata që nuk ishin të vëmendshëm sa duhet, kur e kishin nënshkruar këtë marrëveshje. Ka plot raste që parlamentet nuk mund mendojnë njëjtë si qeveritë, për plot çështje. Nuk ka asgjë të jashtëzakonshme këtu. Përkundrazi është normale”, ka thënë Nitaj.
Në ndërkohë që kundërshtimet dhe pozicionimet pro votimit të Marrëveshjes së Demarkacionit vazhdojnë, mbetet të pritet data e 3 Gushtit, për të parë se çfarë do të ndodhë./BS/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30