Tomë Gashi ngrit dyshime të reja: Gardianët aktruan, Astriti ka vdekur para kohës së shetisë

nga **Agim Gashi** Mon Nov 14, 2016 6:36 pm

Tomë Gashi ngrit dyshime të reja: Gardianët aktruan, Astriti ka vdekur para kohës së shetisëI

Tomë Gashi ngrit dyshime të reja: Gardianët aktruan, Astriti ka vdekur para kohës së shetisë Auto_tom-gashi1479134213

Protesta me moton “Drejtësi për Astritin”

Qytetarë të shumtë kërkojnë drejtësi për Astritin

“E keni pa që Astritin e bartin të burgosurit dhe jo gardianët e as motrat medicinale. Unë e kam pa gjatë obduksionit se Astriti në fytyrën e tij nuk ka pasur asnjë pikë gjak në fytyrën e tij dhe nuk ka pasur asnjë njollë të gjakut. Po ashtu kemi pa një peshqir të madhësisë mesatare të mbuluar krejtësisht me gjak, po ashtu një sapun të përgjakur. Përvec kësaj, e gjithë dhoma ka qenë e mbushur me gjak. Kjo është e vetëspjegueshme se definitivisht Astriti nuk ka vdekë në atë periudhë kohore prej një ore, por me siguri shumë më herët dhe gardianët kanë aktruar në momentin kur janë kthy të burgosurit kinse atëherë e kanë pa”, tha Gashi.
Qindra qytetarë janë mbledhur në sheshin “Zahir Pajaziti” në Prishtinë për të protestuar për vdekjen e aktivistit të Vetëvendosjes Astrit Dehari.
Protestës së organizuar nga pjesëtarë të shoqërisë civile i janë bashkuar edhe zyrtarë të Vetëvendosjes, kryetari Visar Ymeri, deputeti Albin Kurti, etj.
Protestuesit mbanin parulla me anë së cilës kërkohej drejtësi për tashmë të ndjerin dhe dorëheqje të zyrtarëve përgjegjës.
Me pankarta në duar dhe brohoritje për dorëheqje të Qeverisë, protestuesit kanë ndaluar para Teatrit Kombëtar ku folësit kanë kërkuar hetime të pavarura për Deharin si dhe dorëheqjen e ministres së Drejtësisë, Dhurata Hoxha.
Besa Luzha tha se rasti i vdekjes së Astrit Deharit në Qendrën e Paraburgimit në Prizren është diçka e tmerrshme dhe se askush nuk ka dhënë përgjegjësi për këtë. Ajo tha se është e pafalshme që në Kosovën demokratike të ndodhin vdekje të këtij lloji.

Luzha: Drejtësi për Astritin

“Ka ngjarë një ngjarje e tmerrshme. Qe një javë kërkush nuk ka marr përgjegjësi. Një jetë e pafajshme është marr në një institucion ku është në duart e shtetit dhe është dashtë me qenë më i sigurt, nga aty ka dal i vdekur. Asnjëri nga ju pa marrë parasysh bindjet politike që i keni nuk bën me u pajtuar me këtë. Sot kemi ndalur të gjithë këtu pa marrë parasysh bindjeve tona nëse apo kemi jo politike çfarëdo që janë, me kërku drejtësi për Astritin dhe për gjithë Astritët e tjerë. Ministrja e Drejtësisë me marrë përgjegjësi ose le ta liron detyrën nëse nuk është e zonja me e kry”, tha Luzha.
Tomë Gashi, avokat i familjes Dehari, shpreh habinë e tij se si pas nëntë ditësh asnjë nga gardianët e burgut të Prizreni që kanë qenë në punë ditën kur ka vdekur Astriti janë ende aty.
Gashi tha se shteti është përgjegjës për vdekjen e Astritit i cili nuk arriti ta ruante përderisa ishte në paraburgim. Madje ai hedh dyshime se Astriti është vrarë më herët se koha e shëtisë.

Gashi: Shteti është përgjegjës për vdekjen e Astritit

“Ata gardianë të cilët kanë qenë prezent në ditën që ka vdekur Astriti janë edhe sot në punë. Asnjëri prej tyre nuk është larguar dhe nuk janë izoluar apo transferuar në burgje të tjera edhe të burgosurit e tjerë posaçërisht ata që kanë qenë në dhomë me Astritin. Do të thotë gjithçka ende është në dorë të tyre, do të rregullohen deklaratat që të kenë një kuptim dhe gjithçka mund të ketë kuptim përveç vdekjes së Astritit, që definitivisht nuk ka asnjë kuptim, përveç që shteti është përgjegjës për vdekjen e tij dhe shteti thjesht nuk e ka ruajtur” tha Gashi.
Ndërsa Jeta Berisha tha se institucionet e vendit e kanë neglizhuar këtë rast dhe për këtë arsye kërkohet që të bëhen hetime të pavarura ndërkombëtare për vdekjen e Astritit.

Berisha: Kërkojmë hetim të pavarur ndërkombëtar

“Vdekja e Astritit u bë në rrethana misterioze dhe të dyshimta, për të cilat tashmë janë bërë nëntë ditë që askush nuk dha përgjegjësi. Për më shumë ata tentuan ta mjegullojnë rastin me deklarata të pabaza por ne këmbëngulim deri në zbardhjen e këtij rasti. Neglizhenca ndaj Astritit i bie të jetë edhe neglizhencë ndaj çdo qytetari, neglizhenca që i bëhet qytetarit rritë rezistencën deri në drejtësi”, tha Berisha.
26 vjeçari Astrit Dehari ka vdekur më 5 nëntor në qelinë e tij në qendrën e paraburgimit në Prizren.
Dehari ishte arrestuar më 30 gusht si i dyshuar se bashkë me pesë aktivistë tjerë të VV-së kanë sulmuar me bombë ndërtesën e Kuvendit të Kosovës.
Vdekja e tij ka ngjallur shumë reagime në opinion, ndërsa deri më tani nuk ka asnjë rezultat nga hetimet përveç rezultatit të parë të autopsisë në bazë së cilës Dehari ka vdekur si pasojë e mungesës së frymëmarrjes.
Lëvizja Vetëvendosje dhe familja Dehari dyshojnë në hetimet për vdekjen e Astritit.

Dehari është varrosur të martën që shkoi në varrezat e Zllatarit në Prishtinë. Ai pas vetes la bashkëshorten shtatzënë, prindërit dhe motrën.
Kërkohen dorëheqje për vdekjen e Astritit
Një numër i madh i qytetarëve kanë marrë pjesë sot në protestën e cila është organizuar nga shoqëria civile për të kërkuar drejtësi për Astrit Deharin.
Këtu u kërkua dorëheqja e ministres së Drejtësisë Dhurata Hoxha si dhe shkarkimin e personave përgjegjës në burgun e Prizrenit.
Avokati i familjes Dehari, Tomë Gashi, ka thënë se ministrja e Drejtësisë ka punuar në mënyrë katastrofale në rastin e Astrit Deharit
Sipas tij, kjo ministri nuk po ndërmerr asgjë për t’i siguruar provat dhe për t’i izoluar ata që ishin të pranishëm në rastin e vdekjes së aktivistit.
“Duhet të largohen ata të burgosur që kanë qenë me Astritin. Ata gardian duhet të dërgohen në ndonjë institucion tjetër. Kjo nuk po ndodhë sepse po përgatitet deklaratat e përbashkëta”, ka thënë Gashi.
Ai ka shtuar se shteti është i vetmi përgjegjës për vdekjen e Deharit.
Besa Luzha tha se ka kërkuar hetim të pavarur dhe marrje të përgjegjësisë nga institucionet e drejtësisë.
Ajo tha se ka ngjarë diçka e tmerrshme para nëntë ditësh në Qendrën e Paraburgimit në Prizren.
“Institucionet e drejtësisë t’i marrin përgjegjësitë. Ka ngjarë diçka e tmerrshme e kërkush nuk ka marrë përgjegjësi. Këtu është humb një jetë njeriu, s’ka rëndësi se kush e si ka qenë. Nga aty ka dalë një njeri i vdekur. Ai mundet me qenë një prej djemve tanë, prej bijave tonë”, tha ajo.
Luzha tha se është e pafalshme që në Kosovën demokratike të ndodhin vdekje të këtij lloji.
“Është e pafalshme që sot në Kosovën demokratike me na ndodh kjo. Është e pafalshme. Sot kemi dalë këtu, me kërku drejtësi, pa marrë parasysh bindjet politike”, vazhdoi ajo.
Ajo kërkoi që ministrja e drejtësisë, Dhurata Hoxha ta marrë përgjegjësinë ose të japë dorëheqje nëse nuk është e zonja që të jetë e përgjegjshme.
“Ministria e Drejtësisë me marrë përgjegjësi ose le ta liron detyrën nëse nuk është e zonja me e kry”, tha ajo.
Në protestë kanë marrë pjesë zyrtarë të lartë të VV-së si dhe babai i Astrit Deharit, Avni Dehari.
26 vjeqari ka vdekur më 5 nëntor në rrethana të paqarta në burgun e Prizrenit.
Tomë Gashi ngrit dyshime të reja: Gardianët aktruan, Astriti ka vdekur para kohës së shetisë Auto_protesta-3_75141479124645

Tomë Gashi ngrit dyshime të reja: Gardianët aktruan, Astriti ka vdekur para kohës së shetisë Auto_protesta-3_75141479124645

Fillon protesta “Drejtësi për Astritin”

Me moton “Drejtësi për Astritin”, një grup qytetarësh të mbështetur nga shoqëria civile si dhe nga Lëvizja Vetëvendosje, janë mbledhur në sheshin “Zahir Pajaziti”, për të kërkuar drejtësi për Astrit Deharin, i cili ndërroi jetë në burgun e Prizrenit javën e kaluar.
Protestuesit po kërkojnë që drejtësia të vihet në vend përmes hetimeve të pavarura rreth vdekjes së Astrit Deharit

Tomë Gashi ngrit dyshime të reja: Gardianët aktruan, Astriti ka vdekur para kohës së shetisë Auto_auto_15033957_1542116045803875_1810837258_o14791218091479122823

Tomë Gashi ngrit dyshime të reja: Gardianët aktruan, Astriti ka vdekur para kohës së shetisë Auto_auto_15033957_1542116045803875_1810837258_o14791218091479122823

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30