Femra shqiptare di dhe mund të bëjë mrekulli

Femra shqiptare di dhe mund të bëjë mrekulli

Aktivitete të rralla të bashkatdhetarëve tanë në Evropë


Juljeta Spahija para fluturakës nga e cila u lëshua me parashutë

Göteborgu është qyteti i dytë për nga madhësia në shtetin skandinav, Suedi pas kryqendres Stockholm. Në këtë qytet pothuajse jeton edhe një numër i madh të huajsh e në këtë kontekst bëjnë pjesë edhe ardhacakët shqiptarë gjithashtu me një numër të konsiderushëm.
Të flasim konkretisht per Suedinë, si një vend që krijon shumë mundesi në jetë, për t’i realizuar ëndrrat që mund të ketë pasur njeriu gjatë jetës. E një gjë të tillë ka përjetuar edhe personazhi ynë për të cilin do të flasim në këtë shënim.
Në Näsinge të qytetit Strömstad të Suedisë, një qytet i vogël disa kilometra larg në veri të Göteborg këto ditë u mbajt një aeromiting në të cilin morën pjesë disa qindra garues profilesh të ndryshme dhe moshash të ndryshme.
Në mesin këtyre garuesve të cilët diku 95% ishin meshkuj takuam edhe pak femra e në mesin e tyre edhe bashkëkombasen tonë Juljeta Spahija nga qyetiti Göteborg.
Juljeta me prejardhje është nga Kosova nga qyteti pitoresk i Pejës e që nga vitet 90-ta jeton së bashku me bashkëshortin e saj dhe dy fëmijët këtu në Göteborg të Suedisë.
Kënaqësi më të madhe nuk ka kur dëgjon për suksesin e shqiptarëve nëpër botë. Këtë gjë bën pikërisht Juljeta Spahija me prejardhje nga Kosova.
Juljeta para pak ditësh respektivisht në fund të muajit maj ka diplomuar në Universitetin e Göteborgut këtu në Suedi në degën e shkencave shoqërore sociale e me rastin e diplomimit në Universitet ajo nga bashkeshorti i saj ka marrë një dhuratë e kjo dhuratë ka të bëjë me atë se Juljeta të shtunën me 27 qershor mori pjesë në garën aeronautike respektivisht kërcim me parashutë në qytetin Strömstad të Suedisë. Kjo ishte nje dhuratë të cilën Juljeta do e mbaj në mend dhe do ta ruajë si kujtimin më të mirë në jetën e saj nga bashkëshorti i saj.
Juljeta thotë se kjo ishte një ëndërr e saj e kahmotshme që një ditë të kërcejë me parashutë nga aeroplani, por kurrë nuk kishte mundë ta marrë me mend sepse kjo ishte ndoshta në një periudhë kohe e parealizueshme për të, por që ja sot në kushtet dhe mundësitë e saja ajo e realizoi ëndrrën e saj jetësore. Pra kushtet dhe mundësit në këtë vend skandinav janë shumë të mëdha edhe për ardhacakët që të prosperojne dhe arrijnë suksese dhe rezultate në jetën e tyre dhe të realizojne ëndrrat e kahmotshme.
Juljeta thotë për: ”Kam qenë studente e shkëlqyeshme në Unieversitet, kam realizuar të gjitha planet e mia jetësore, e se fundit te shtunën realizova edhe ëndrrën time jetësore, ëndrren që dikur e kisha paramenduar por kushtet dhe mundësitë nuk më lejonin ta realizoja, e tani jam shumë e lumtur që mu dha rasti dhe mundësia për këtë”.
Jetoj që nga vitet 90-ta së bashku me bashkëshortin tim këtu në Göteborg të Suedisë, kam dy fëmijë, jam më së lumtur me familjen dhe mendoj se ia kam arritur qëllimit tim jetësor. Gjatë studimeve kam punuar nga pakëz por jo në porfesionin tim, kam punuar si përkthyese dhe si mësuese gjuhe në Folkhögskola në Göteborg, por tani pas diplomimit më duhet të angazhohem dhe të kontribuoj në lemin për të cilën edhe jam specializuar gjatë studimeve në universitet. Nuk është e vështirë me këtë profesion njeriu të zë punë, është një profesion shumë i kërkuar këtu në Skandinavi, prandaj besoj se edhe do të ia arrij qëllimit.
Gruaja shqiptare, karakterizohet nga virtyte të çmuara dhe me një karakter të fortë. Është kënaqësi për ne shqiptarët, kur gruaja intelektuale shqiptare në botë, vazhdon të japë një kontribut të çmuar në shumë fusha jetësore, si në arsim, kulturë por edhe në sport e aktivitete tjera kulturore etj, dhe si rrjedhim, ne organizimin aq me vlerë të komunitetit shqiptar në diasporë e që mendoj se duhet përkrahje dhe stimulim për to nga ne.
Çdo person ka te dhëna të veçanta në jetë si dhunti nga lindja dhe merr nje profil të caktuar për zhvillimin dhe afirmimin e tij, prandaj njeriu duhet të angazhohet dhe që suksesi në jetë të jetë fryt i punës dhe mendjes. E Juljeta thotë se sigurisht ajo kish te dhëna për tu berë socionome por pa mbetur mbrapa edhe me aspektet tjera kulturore dhe sportive të cilat i ka në shpirt.

Sokol Demaku