Ndihma nga Anglia për sistemin zjarrfikës në Shqipëri

Ndihma nga Anglia për sistemin zjarrfikës në Shqipëri

Fatmir Terziu



Rreth 600 mijë stërlina ndihmë për zjarrfikësit shqiptarë. E gjitha nga zona e Derbyshires në Angli. Edhe pse janë materiale, paisje, veshje dhe mjaft mjete për zjarrfikësit shqiptarë, si një ndihmë nga nxjerrja e tyre të dorës së dytë në repartet zjarrfikëse të Britanisë së Madhe, prapë kjo ndihmë mbetet jashtëzakonisht e konsiderueshme sipasspecialistëve. Duke patur parasysh sistemin e varfër të zjarrfikjes në Shqipëri dhe duke menduar stinën e nxehtë që afron, kjo ndihmë në mijëra stërlina është më e madhja e këtyre ditëve që shkon nga Anglia drejt Shqipërisë.

Në këtë ndihmë përfshihen edhe mjaft paisje të përdorura, por shumë moderne dhe tejet të kushtueshme. Mjaft nga këto paisje do të dhurohen edhe në formën e dhuratave të Karitasit për zjarrfikësit shqiptarë. David Scott, nga polcia e Nottinghamshires ka sqaruar se të gjitha këto veshje, paisje dhe mjete do t’i dhurohen zjarrfikësve shqiptarë, që janë të gjithë thuajse të elementit mashkull. Burrat, zjarrfikës në Shqipëri, janë përballur shpesh me zjarre të mëdha edhe në pyje dhe janë detyruar të shkojnë të rrezikojnë pa mjetet dhe veshjet e duhura.

Shumë mjete motorike që kanë një jetë prej më se 20 vjetësh, janë ende në përdorim të mirë dhe mund të shërbejnë si mjete mjaft efikase edhe sot. Kështu këto mjete janë mjaft të mira edhe për të rritur moralin e kësaj kategorie punonjësish në Shqipëri në kushtete temperaturave të larta, aksidenteve dhe gjeografisë së dendur urbane. Mjaft prej veshjeve do të pësojnë një ridizajnim të thjeshtë dhe do të bëhen më të përshtatshme në përdorim dhe në uniformë.