Përparim Hysi: Kujtiiiiim!

nga **Agim Gashi** Fri Jul 17, 2009 9:28 am

Kujtim Majaci
Përparim Hysi

Kujtiiiiim!
In memorie Kujtim Majacit

Ç'qe ky lajm kaq tronditës e kaq i zi
Si një rrufe që shkrep në qiell të pastër?
Jo.Nuk mundem.S'e besoj as tani
Aq shumë ky lajm më ka tramaksur.

Vdiq Kujtimi,ky djalë aq i mirë
Po ku ishe as më thuaj,o Zot?!
Si mund të ikë një djalë xhevahir
Nga dhimbja çurgoj lotë.

Të ikë Kujtimi,në lule të jetës
A është e mundur vallë?
Jam i pushtuar i gjithi prej brengës
Dhe lotët më bien palë.

Të ikë Kujtimi,krenaria e Fierit
Kujtimi që na dha aq kënaqësi
Zë dhe ofshaj,ballë s'i bëj vrerit
Po qaj tani si fëmijë.

Nga sepete e kujtesës e nxora këmishën
Të famshmen "këmishë me vija"
E mbante Kujtimi,simbol e kishim
Fierakët,"Apolonia!".

Ky djalë i bukur dhe aq bujar
Kurrë hundën s'e mbajti përpjetë
Futbollist shëmbullor(thuaj legjendar)
Gjynah,të ikë kaq shpejt?!

Kujtiiiim,të thërres!A më dëgjon?
Thërras e çirrem që nga Amerika
Po cili që të njohu,vallë s'të kujton,
Ty,Kujtimin që lëshoje çika?

Kanë ardhur shokët e të rrinë përqark
Po ngreu dhe thuaju,një fjalë.
Në buzë kanë helm,në zëmra farmak
Dhe lotët bien palë-palë.

Ka ardhur Lazja,ka ardhur Laku*
Dhe Pandi është në krah* *
Ah,sa i madh qenka sot vargu!
Të gjithë lëshojnë një "ah!"

Po nënë e shkretë,kjo zonjë fisnike
Si dhimbjen do duroj?
Po gruaja e re që qan me ligje
Fëmijtë,vallë kush do t'i pajtoj?

Ka ardhë Haxhiu e po të pvet ***
-Po ça t'ka gjet Kujtim?!!!
Po ty helmi buzën ta ka qep
Haxhiu-det me hidhërim.

E tash,i dashur,po ndalem dhe vet
Se dora hiç s'më ban
Tek të gjithë ç'të njohin,do rroshë për jetë
Se ti je Kujtim Majaci me nam.

*, ** bashëshokë që lujatën me të.Të më falin në s'i përmënd të tjerët.
*** Haxhi Krasniqi-vjerri i Kujtimit

15 korrik 2009
Përparim Hysi, Florida,USA

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30