Zgjedhjet ‘mbrohen’ nga Policia e Kosovës

Zgjedhjet ‘mbrohen’ nga Policia e Kosovës

Blendi Gashi, Bota Sot
Çështja për të cilën sot u morëm vesh, ka të bëjë më listën e votuesve, që është një qasje shumë e rëndësishme dhe shumë urgjente. Përmbajta ishte lidhur me atë se çka janë obligimet e ministrisë dhe çfarë janë obligimet e KQZ-së.



Ndërkaq detyrat dhe përgjegjësitë e Ministrisë së Punëve së Punëve të Brendshme janë që kjo ministri të ofrojë të gjithë mbështetjen e saj teknike për ofrimin e të dhënave të qytetarëve ën proces të themelimit të listës së votuesve dhe listës së votuesve përmes postës.

Në kuadër të përgatitjeve për zgjedhjet që do të mbahen me 15 nëntor në Kosovë Ministria e Punëve të Brendshëm (MPB) dhe Komisionit Qendror Zgjedhor (KQZ) nënshkruan memorandumin e bashkëpunimit, i cili ka të bëjë më listën e votuesve, si dhe përcakton obligimet e MPB-së dhe KQZ-së. Kjo marrëveshje mirëkuptimi është nënshkruar të martën nga kryetarja e Komisionit Qendror Zgjedhor (KQZ), Nesrin Lushta, dhe Ministri i Punëve të Brendshme Zenun Pajaziti. Pas nënshkrimit të këtij memorandumi të mirëkuptimi ministri Pajaziti tha se Ministria i ka ofruar të gjitha kapacitetet e saj Komisionit Qendror Zgjedhor për t’u përgatitur sa më mirë ajo për zgjedhjet komunale të 15 nëntorit. “Ne i kemi ofruar të gjithë bashkëpunimin tonë dhe mbështetjen tonë Komisionit Qendror të Zgjedhjeve, dhe çfarë do kohe, dhe çfarë do nevoje që do të ketë, ne do të jemi të gatshëm në mbështetjen sa më të mirë, në ofrimin e krejt kapaciteteve tona në zgjedhje për Komisionit Qendror të Zgjedhjeve”, tha ministri Pajaziti. Lidhur me atë se sa do të ndikojë mos regjistrimi i popullsisë në votime dhe lista ët votuesve pranoj se mos paraqitja e personave të zhdukur shkakton një problem në Kosovë edhe pse është bërë gjë e zakonshme. Ai shtoi se Ministria e Punëve të Brendshme dëshiron që të gjithë qytetarë e Kosovës, dhe shpresojnë që do të marrin pjesë në zgjedhje dhe do i kanë të konsoliduar regjistrat e tyre. “Ajo çka është detyrë e Ministrisë së Brendshme, veç është delikate për momentin më shumë sfidë për ne, është i ashtuquajturi proces i pastrimit të këtyre listave. Shpesh herë kemi raste kur qytetarët që vdesin, familjarët e tyre nuk shkojnë të nxjerrin certifikatat të çregjistrimit ose certifikatat e të vdekurve të tyre dhe e kemi vështir që ne do të pastrojmë”, u shpreh Pajaziti. Ndërsa Nesrin Lushta kryetare e Komisionit Qendror të Zgjedhjeve (KQZ), nënshkrimin e këtij memorandumi e vlerësoi si shumë të rëndësishëm, për arsyeje se prej ditës së shpalljes së zgjedhjeve puna e Komisionit Qendror të Zgjedhjeve, si dhe puna e sekretariatit është intensifikuar. Përgjegjësitë e Komisionit Qendror Zgjedhor janë që ky institucion i cili do të jetë organizator i zgjedhjeve të para në pavarësinë e Kosovës, të jetë përgjegjës për përgatitjen dhe respektimin e procedurave për themelimin e listës së votuesve dhe themelimin e votuesve përmes postës, gjithashtu detyrë tjetër është që KQZ-ja do të informojë Minsitrinë e Punëve të Brendshme rreth nevojave të tyre për mbështetjen teknike, në proces të themelimit të listave së votuesve përmes postës, si dhe për çfarëdo ndryshime procedurale që mund të ngjajnë për cilëndo nga këto dy lista (Liststat e votuesve dhe Listat e votuesve përmes postës), si dhe detyrë tjetër e KQZ-së është që të planifikojë dhe koordinojë modalitetet së bashkë me Ministrinë për Punë të Brendshme për realizimin e një plani dhe afatet e parapara për hapat që duhet ndërmarrë në procese të themelimit të një liste të votuesve dhe liste te votuesve përmes postës.