Milazim Kadriu: Poezi për dëshmorët e kombit (III)

nga **Agim Gashi** Fri Jul 31, 2009 12:54 am

Poezi për dëshmorët e kombit (III)

Milazim F. KADRIU

PËR LIRINË E KOSOVËS PUNOI KURR PA NDAL

(Ilir Konushevcit)

Që herët u nis rrugës së lirisë
Bashkë me Zahir Pajazitin
Në Llap e më gjerë
Formuan celulat e UÇK – së.

Kur ranë dy bashkëfshatarët
Afrim Zhitia e Bedri Sokoli
Për lirinë e Kosovës
Te Iliri u ngrit edhe më morali.

Punoi kurrë pa ndal
Shkoi në Shqipëri
Çdo zonë e UÇK – së
Armatim mori nga dora e ti.

Ra në krye të detyrës
Në atë ditë maji
Ra në Bajram Curr
nga një dorë tradhtari.

Tani trupi i tij pushon në Tiranë
Shokët e idealit e kujtojnë
Në çdo anë të Kosovës
Bashkë me lirinë do të jetoj.

KUDO QË PUNOI E VEPROI ,RREZE DRITE LA

(Adem Gashit)

Lindi në Anallap
Të cilit i dha dritë
U rrit me vuajtje
Por me Kosovën në shpirt.

Kudo që punoi e veproi
Rreze drite la
Për lirinë e Kosovës
Jetën e dha.

Nga Llapi
U nis për Prishtinë
Që ta luftoi shkaun
E Kosova ta fitoi lirinë.

Ra heroikisht
Në Fushën e Pajtimit
Ra për të mos vdekur
Komandant Blini.

Në përvjetorët e rënies
Këngë trimërie i këndojnë
Jetoni dhe Erblini para lapidarit
Krenarë qëndrojnë.

SHKAUN E LUFTOI PA NDAL

(Fazli Fetahut)

Luftën kundër shkaut
E filloi në Kroaci
Por edhe në Kosovë
Në front i pari gjithnjë.

Edhe dy vëllezërit e tij
Luftuan për liri
Që nga Kastrati deri në Surdull
Asnjëherë s’u ndal ky djalë i ri.

Ranë bashkë me Shpicin
Që ta çlirojnë vendin
E në çdo përvjetor
Me krenari i përmendim.

Djali i tij Endriti
Babait i këndon
Dhe para pllakës përkujtimore
Krenar qëndron.

RA ME TE VETMEN DESHIRË QË KOSOVA TË JET E LIRË

(Jahë Hasanit)

Pushkën në dorë
Shqiponjën në ballë me dritë
Luftoi për vendin tonë
Për të bardhën ditë.

Luftoi me guxim
Kishte shumë trimëri
Në vendin tonë
Lindi dielli i ri.

Ra heroikisht në atë kodrinë
Me të vetmen dëshirë
Që një ditë Kosovën
Ta shoh të lirë.

Andaj sot Kalina
Ruan kujtimin një histori
Për dëshmorin nga Bederiana
Komandant Lushin e ri.

Gjaku i atij trimi
U derdh si nga kroi
E sot në Llap e Gallap
Dielli i lirisë agoi.

RA ATY KU BASHKOHET LLAPI E SHALË

(Shahin Gashit)

Në Rrafshnaltën mbi Gegaj
Atje ku ndahet Llapi me Shalë
Qëndroi lapidari i Shahinit
Që lëshon rreze pa ndal.

Tregon për luftën e zhvilluar
Heroizmin që ai ka treguar
Nga aty sheh fshatin dhe fëmijët
Lirinë duke e gëzuar.

nga **Agim Gashi** Wed Aug 05, 2009 12:51 am

Poezi për dëshmorët e kombit (IV)

Milazim F. KADRIU

ASNJËHERË LUFTEN SE NDALI

(Mustafë Llapashticës)

Babai i tij Ismaili
Hapi shumë shkolla shqipe
Por edukoi edhe fëmijët
Në frymën patriotike.

Mustafa edhe pse i ri
Shkoi në të shkaut ushtri
Por pas shtatë muajsh u kthye
Qe betuar se s’do ti shërbej shkaut të zi.

Që nga viti1968
Deri më 1997
Në të gjitha demonstratat
Dhe asnjëherë s’u ndal.

Shoku i Ahmet Haxhiut
E Hasan Ramadanit
Nuhi Berishës e Rexhep Malës
E më vonë edhe Enver Topallit.

Kreu shumë aksione
Si ai “Në qafën e Shaikovicës”
E në nëntor 1998
“Te Tabet e Llapashticës”.

Në vendlindje ra në luftë me barbarë
Pas veti la Dardanën,
Doruntinën e Gentritën
Heroi ynë kombëtarë.

BREZ PAS BREZI NË RRUGËN KOMBËTARE

(Remzi Demollit)

Familja Demolli
Për rrugën e lirisë
Me kohë janë përcaktuar
Dhe me vite kanë kontribuar.

Qysh i ri Remziu
Shumë mësoi nga axha Ibrahim
Por edhe nga daja i tij
Atdhetari i njohur Xheladin.

Pjesëmarrës i demonstratave studentore
Që nga viti 1981
E me të filluar lufta
U radhit në UÇK.

Komandant në fshat
Ai qe emëruar
Më 27 dhjetor 1998 ra
Në vij të frontit duke luftuar.

EDHE PSE I RI S’MUNDI TË JETOI NË ROBËRI

(Ragip Ademit)

Kudo mbin lule
Lule të lirisë
Në Tashefc ra Ragipi
Mu në lulen e rinisë.

La në një anë libra e fletore
La lojën me shokë e shoqe
Rroku pushkën doli në istikam
Jetën për Kosovë me e dhanë.

Ishte i ri 16 vjeçar
Por robërinë s’mundi ta duroi
Për lirinë e Kosovës
Nuk hezitoi jetën e dhuroi.

SË DINTE ASNJËHERË ME U NDAL

(Shefki Kuletës)

Në Dardhishtë familja Kuleta
E njohur për traditë atdhetare
Lindi dëshmori Shefki
Që herët u nis rrugës kombëtare.

Në protestat studentore
Dallohej ndër të parë
Por edhe luftëtarë i UÇK – së
S’dinte asnjëherë për tu ndal.

Që nga Beteja e Kaçnollit
Në shumë luftime mori pjesë
I pa përkulur dhe i vendosur
Amanetin e të parëve e çoi në vend.

Luftë e rreptë zhvillohej
Kundër barbarisë
Dita e parë e pranverës
Çeli edhe një lule e lirisë.

PËR LIRINË E KOSOVËS BASHKË ME DJALË JETËN E KANË DHËNË

(Sali Qerimit)

Katunishta dhe Besiana
Se harron Salihun me të gjithë djalë
Që për lirinë e Kosovës
Jetën e kanë dhënë.

Demonstrata dhe protesta
Organizoheshin çdo ditë
Sali Qerimi në ballë
Gjithnjë rinisë duke i prirë.

Kur Kadriu rroku pushkën për liri
Pas tij shkoi në çdo hap babai i tij
Salihu s’u nda nga djemtë e lirisë
Para tyre shkaut çdo herë i dilte karshi.

Në Kastrat krisi predha e parë
Shkaut automjetet ia shkatërroi
E ndezi Kadri Qerimi
Babë Salihu në krah i qëndroi.

Në përvjetor kur i kujtojnë
Blinera dhe Valdrini
Gjysh Salihut dhe babë Kadriut
Këngë trimërie u këndojnë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Milazim Kadriu: Poezi për dëshmorët e kombit (III)

Milazim Kadriu: Poezi për dëshmorët e kombit (III)

azim Kadriu: Poezi për dëshmorët e kombit (IV)