Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Albert Zholi: Xha Gaqoja

Akllapi Net - Forum i Hapur :: Arti dhe kultura

Shko poshtë

Albert Zholi: Xha Gaqoja Empty Albert Zholi: Xha Gaqoja

Mesazh nga Agim Gashi Sun Aug 02, 2009 1:34 am

Albert Zholi: Xha Gaqoja U1_AlbertZholiAlbert Zholi

XHA GAQOJA

Të nesërmen e asaj nate që kanali televiziv ERT -2 shfaqi filmin “L’Amerika”, xha Gaqoja më telefonoi qysh në mëngjes.

-Përse po tallet bota me ne o bir?!...

Zëri i tij ishte revoltë e brendëshme, ishte një zë i plagosur, ku cdo fjalë, sikur mbartëte një shekull mbi shpinë. Dhe e nxirrte nga gjoksi i Xha Gaqos, për të sajtën herë, për të mos e dëgjuar përsëri askush .” Përse po tallet bota me ne o bir?!...

Dhe askush nga veshët e botës, nuk e dëgjoi dhimbjen e xha Gaqos.

Dhe askush nuk i pa sytë e tij të lotuar, tek shihnin atë film, ku vendi i tijë , njerëzit e tijë, historia e atijë vendi dhe atyre njerëzve, shkelej nga e qeshura e botës.

Dhe bota kënaqej e shlodhej me shqiptarët –majmuna, me shqiptarët –barbarë, me atë popull, që kishte një gjuhë Perëndie” e një histori gjaku.

Xha Gaqoja kish parë filmin “ La Amerika”, dhe shpirti i qe trazuar tek dhimbja e madhe ...Ai ishte i mbushur i gjithi me poezi e me dhimbje malli. Me Naimin e Mjedën, Fishtën e Migjenin, Konicën e Agollin. Një minierë e vërtetë vjershërimi, që nuk e lë atdhetarizmin të shuhet. Kur e dëgjova për herë të parë në një koktej të shtruar në ambasadën tonë, u befasova ... “ Një antologji dashurie për Atdheun!”, mendova, kur ai i recitonte vjershëtorët e mëdhenj, si edhe vjershat e tij, me djegie shpirti, sikur të mos numëronte 85 vite jetë.

“ Epo nën pemën e fisit të patriotit të madh Koto Hoxhit është rritur, ndaj i ka lezet edhe fjala edhe vjersha” dhe në mend më erdhën disa vargje të mësuesit të madh:

“...Po e kam zemrën shkëmb,

këto plagë i kam si gjemb,

po të ishte tjetër komb,

do pëllcitë të bënte bomë,

do shuhej edhe emëri…”


-Shqipëria po vuan, or bir, ç’po bëjmë ne për të ?!Ç’po bëjmë?!!-më vinte zëri i xha Gaqos brenda telefonit. Unë dëgjoja dhe heshtja. Para atijë zëri nuk duhej fjala.

-Shqipëria po përcahet, i mungon gjuha e së mirës. Po shajmë e po pështyjmë. Po vjedhim e po vrasim. Kush na ka mallkuar ?!...Eeh, u bëmë loti i vetes e gazi i botës. Para zërit të xha Gaqos mua, fjala më fshihej nën gjuhë.

.,.................


Tashme ai ka ndrruar jetë dhe është në strehëzën e përjetshme, por sa herë shikoj politikanët shqiptarë në debatet e mbrëmjes, më duket sikur xha Gaqoja më thotë .” Përse po tallet bota me ne o bir që duam të hyjmë në Evropë (si vetëm me martesat e homoseksualëve?) kur jemi në zemer të saj ?!...

Athine 1998
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

- Similar topics

Akllapi Net - Forum i Hapur :: Arti dhe kultura

 
Drejtat e ktij Forumit:
Ju nuk mund ti përgjigjeni temave të këtij forumi