Restauranti i krajanit – fitues i katër yjeve

Restauranti i krajanit – fitues i katër yjeve

Beqir Sina, Bota Sot
Suksese të bashkatdhetarëve tanë në SHBA




Sefedin (Stefano) Lika në restaurantin e tij në Naples të Floridas
Një biznesmen shqiptar, emigruar në Amerikë, 19 vjet më parë ka zgjedhur të banojë këtë qytet, i cili është i ngjashëm me Ulqinin. Biznesmeni shqiptar i cili suksesin e ka "gjetur" tek restoranti i tij i famëshëm në këtë qytet, është Sefedin (Stefano) Lika. Ai së bashku me familjen e tij janë nga Kraja, por në Amerikë emigruan nga Ulqini. Lika, ka çelur një restorant romantik, mjaft i njohur në qytetin e rreth 30 mijë banorëve - Naples (Florida).

Në një prej qyteteve më të vjetëra amerikane – Naples (Florida), është vendi ku janë thurur gjurma të shumë kulturave më të hershme evropiane. Qyteti dallohet prej ndërtesave dhe rrugëve me një arkitekturë, e cila na sjell ndërmend, menjëherë edhe qytete tona të lashta bregdetare, qytete si Shkodra, Durrësi, Vlora, Saranda, Ulqini e Kraja. Naples (Florida jugperëndimore) është qyteti i rrallë amerikan, trashëgim i kulturave dhe besimeve të ndryshme fetare. Qytet me një klimë e bukuri të mahnitëshme tropikale.
Qyteti evropian Naples (Napoli) është një qytet bregdetar, në pjesën jugprendimore të Floridas, SHBA. Enti federal i Regjistrimit, e ka vlerësuar këtë qytet me popullësi rreth 21.653 banorë. Naples ose Napoli i Floridës, është një qytet i i cili me gjithë rrethinat "Marco Island Metropolitan Area" nga rezultatet zyrtare statistikore, ka një popullsi të llogaritur totale 315.839 , regjistrimi zyrtar i vitit 2007. Përkundër faktit se Naples dhe rrethet e tij janë qytet me natyrë e bukuri të rralla natyrore ai njihet edhe si qyteti më i madh në mineira në Florida. Aty ndodhen disa miniera thëngjilli.
Gazetat lokale kanë shkruar disa herë për restorantin “Amore” dhe pronarin e saj shqiptar
Naple(Napoli i Floridës) u themelua në fund të viti 1880 gjatë marrëveshjeve të ish-konfederatës së përgjithshme. Senatori John Stuart Williams i asaj kohe, nga Kentucky SHBA dhe partneri i tij, Louisville Walter N. Haldeman, biznesmen dhe botuesi i të përditëshmes Louisville Journal firmosën kontratën. Emri i qytetit Naples, e cila lexohet Napoli u nxitë kur ky qytet me rrethinat e tij kanë formuar gjirin i cili përshkron një pamje imagjinare "të kapërcyer gji pa as më të voglin gji si në Napoli, Itali".
Si shumë qytete amerikane, Naples është qytet emigrantësh. Sipas statistikave këtë qytet e preferojnë më shumë emigrantët që vijnë nga ato vende të cilat janë qytete bregdetare, dhe ata emigrantë që u pëlqen natyra dhe klima tropikale.
Për këtë arsye edhe një biznesmen shqiptar, emigruar në Amerikë, 19 vjet më parë ka zgjedhur të banojë këtë qytet, i cili është i ngjashëm me Ulqinin. Biznesmeni shqiptar i cili suksesin e ka "gjetur" tek restoranti i tij i famëshëm në këtë qytet, është Sefedin (Stefano) Lika. Ai së bashku me familjen e tij janë nga Kraja, por në Amerikë emigruan nga Ulqini.
Lika, ka çelur një restorant romantik, mjaft i njohur në qytetin e rreth 30 mijë banorëve - Naples - Florida. Restoranti tij i gjendur në mes të një qendre tregëtare, në njërën prej bulevardeve më të frekuentueshme të qytetit ka edhe suksesin më të madh në fushën e ushqimit dhe të shërbimit.
Gazetat lokale kanë shkruaur disa herë për restorantin Amore dhe pronarin e saj shqiptar, Sefedin (Stefano) Lika. Ai është fitues i disa çmimeve, çertifikatave dhe kupave në kompeticionet e retoranteve në Florida. Restoranti Amore, me pronar Sefedin (Stefano) Lika është nderuar nga enti i restoranteve me katër yje.
Në restorant përveçse, punësimit të anëtarëve të familjes, Lika ka punësura edhe kamarierët shqiptarë."Të gjithë ne që jemi në emigracion kemi mallin për vendin tonë, për të afërmit tanë, madje edhe për gurët e vendlindjes, na tha Lika, prandaj i kam punësuar shqiptarët të shkëmbejmë edhe ndonjë fjalë shqip."
Ka raste të shumta kur i kemi klientët të gjithë shqiptarë, sidomos në raste festash kombëtare, ose evenimente familjare dasma e gazmende të tjera "Kur dëgjojmë një këngë apo valle shqipe, tha ai na duket sikur çmallemi pak me vendin tonë, sikur jemi atje dhe sikur i harrojmë pak problemet e ditës dhe mbushemi me energji të reja për të ecur përpara. Pikërisht këtë synon të bëjë me aq sa mundemi "se biznesi është biznes": të krijojë disa momente çlodhëse për emigrantët shqiptarë që janë këtë qytet të bukur - Naples".
"Çdo kohë në këtë restorant është e veçantë. Kredia kryesisht u shkon atyre që e përgatisin dhe atyre që e servisin me duart e tyre - Kredia i shkon pronarit shqiptar Sefedin (Stefano) Lika, nga Ulqini, i cili është mjaft miqësor, i qeshur, bujar dhe i thjesht, duke mos folur asnjëherë për suksesin e tij."
"Shija e ushqimit në këtë restorant bëhet tërheqëse pasi ruan në origjinal kuzhinën napolitane gjithmonë duke arritur një rekord të përsosur. Aromë e ushqimit ishte e fuqishme, delikate dhe të sofistikuara, shërbimi elegant i thjeshtë dhe me shumë kulturë."
"Darkat në Amore Restorante janë të konsiderueshme, turistë evropianë sikur janë të "abonuar" në këtë restorant. Çdo njeri prej tyre sikur e ka bërë në plan të kalojë qoftë edhe një darkë në Amore Restorant."
Amore Ristorante i hapi dyert e saj në vitin 1998 me një filozofi të re. Shfrytëzoje bukurinë natyrore të qendrës së qytetit Naples - Florida, dhe artin e bukur të kuzhinierëve me pasion, përkushtim dhe njohurive, se si i trajtojnë të gjithë ata janë më të nderuar vizitore kur të hyjnë në Amore Ristorante.
Çdo ngrënje në Amore Ristorante është krijuar për të reflektuar një atmosferë romatike, të ngrohtë, lehtësues, njësojë sikur të jeshë duke frekuentuar një lokal në brigjet e Mesdheut. Çdo gjë përreth, plotësohet me anë të pikturuave të mrekullueshme të detit Adriatik, bregdetit dhe kalasë së Ulqinit. Në lokal shihen edhe flamuri kombëtar shqiptar dhe simbolet kombëtare, me skulpturat e heroit tonë kombëtar Gjergj Kastriotit Skënderbeut, dhe e Nënë Terezës.
Çfarë thanë mysafirët e restorantit Amore:
Ylber Pilku(NY): "Në asnjë vend nuk mund të gjejë atmosferë më të këndëshme - vi shpesh në Naples - Florida, të kaloj pushimet me gruan dhe fëmijët dhe është e vështirë që ndonjë rradhë të mosë shijojë shërbimin e ushqimin e restorantit Amore. Mikëpritja e tij bujare dhe përshëndetja shqip "Mirëseerdhet" e pronarit shqiptar, të shijon edhe më shumë se ushqimi"
B. Hoffam: "Ne jemi besnikë dhe ferkuentues të rregullt të shërbimit e ushqimit të Amore Restaurant, gjithmonë të kënaqur me cilësinë dhe vlerën e ushqimit, dhe miqësin, profesionale të shërbimit"
D. Smith: "Ndërsa isha për pushime në Napoli - Florida, një banor vendas më rekomandoj fuqishëm që të frekuentoja shërbimin e ushqimin në Amore Ristorante. Fantastike, tani mbasi e provova ushqimin dhe shërbimin më duhet të them se kam ngelur shumë i kënaqur"
N. Orlando: "Për mua dhe familjen time çdo gjë në Amore Restaurant është e dashur, dhe e shijshme. Veçanërisht si italian që jam më pëlqejnë specialitetet të tilla si Bresaola Classica, Insalata di Spinaci, Scaloppine Alla Piemontese, janë origjinale të kuzhinës italiane - njësoj me ato gatimet e gjyshes time ashtu siç dinte t'i bënte vetëm ajo ato."
T. Jackson: "Kam dëgjuar se kilentët e huaj gjithmonë janë të shqetësuar në lidhje me ushqimin në disa restorante të Floridës, se si bëjnë si në origjinal të firmës që proklamojnë me emrin që mbajnë, zgjedhjen çka është e rëndësishme prej konsumatorëve. Kjo është një venitje e artit në restorantet e Floridës, por jo në industrinë Amore Ristorante, në se t'i vjen e provon vetë shijen dhe shërbimin e këtij restoranti romantik dhe fantastik".