NATO dhe Kosova:Rasmusen përkrahje pa rezervë për FSK-në

Rasmusen përkrahje pa rezervë për FSK-në

Mujota dhe Selimi takojnë Rasmusenin




Ministri i FSK-së z. Fehmi Mujota së bashku me Komandantin e FSK-së Gjenerallejtënant Sylejman Selimin, të enjten u takuan me Sekretarin e Përgjithshëm të NATO-s z. Anders Fogh Rasmunssen. Në takim është vlerësuar lartë si kontribut i përbashkët progresi i deritashëm në ngritjen e strukturave të FSK-së.
Sekretari Rasmusen u shpreh se vendimi për reduktimi e trupave të KFOR do të reflektojë me zhvillimet e përgjithshme pozitive të sigurisë në Kosovë.
“Po ashtu nga Sekretari i Përgjithshëm i NATO-s z. Rasmusen është ofruar gatishmëria për përkrahje të pa rezervë për arritjen e kapaciteteve të plota operacionale të FSK-së”, thuhet në njoftimin e Ministrisë së FSK-së./BS

Rasmusen: Ne dëshirojmë që t’i zgjerojmë kapacitete e FSK-së

Besnik Boletini





Prishtinë, 13 - Shtetet që aplikojnë për tu anëtarësuar në NATO, duhet që patjetër të kenë të zgjidhura problemet në mes vete sidomos vendet që janë fqinjë e që kanë probleme me kufijtë, tha sekretari i Përgjithshëm i NATO-s, Anders Fogh Rasmussen, në një konferencë për media në aeroportin e Prishtinës përfundim të vizitës së tij në Kosovë. Ai tha integrimi i vendeve të Ballkanit në NATO dhe në BE është qelës i sigurisë në këtë rajon. “Është një parakusht i qartë, për tu bërë anëtar i NATO-s shtetet aplikuese të bëjnë zgjidhje paqësore të kontesteve kufitare, shpresoj të shoh përparim të vazhdueshme në marrëdhënieve të NATO-s dhe BE-së dhe shteteve të Ballkanit, mendoj së integrimi në këto institucione siguron stabilitet”, tha Rasmussen. I pyetur se çfarë qëndrimi ka NATO-ja për pavarësinë e Kosovës, ai tha se nuk do të merret me këtë çështje, por ri kujtoi faktin se disa shtete që janë anëtare të NATO-s ende nuk e kanë njohur Kosovën. “ Ne si aleancë jemi këtu që të sigurojmë Kosovën dhe të ofrojmë siguri këtu , siç e din një numër i aleatëve tanë nuk e kanë pranuar Kosovën , prandaj kjo nuk është pyetja e pranimit ose jo dhe kjo nuk është në agjendën e NATO-s, unë jam këtu si sekretar i përgjithshëm i NATO-s, e cila ka për qëllim kryesor garantojë siguri dhe stabilitetit,prandaj si sekretar i përgjithshëm, nuk do të merrem me pyetjen e pranimit ose jo , por si qe dini unë me kapacitetin tim si kryeministër i Danimarkës e kam nënshkruar pavarësinë e Kosovës”, u shpreh Rasmussen. Ndërsa sa i përket reduktimit të forcave të KFOR-it, ai tha se kjo është si rezultat i përmirësimit të vazhdueshëm të situatës së sigurisë në Kosovë dh enë rajon. “Kemi vendosur që gradualisht ta zvogëlojmë numrin trupave në Kosovë, sepse shohim përmirësime të vazhdueshme në gjendjen e sigurisë. Hapi i par është aplikuar që të ndodh në janar të vitit të ardhshëm, hapat e radhës do të jetë reduktimi në rreth 5 mijë e 700 trupa, por ky numër do të varet nga zhvillimet në Kosove dhe në rajon. Ju sigurojmë se nuk do të marrim vendime që do ta de stabilizoj situatën, në jemi këtu që garantojmë siguri”, theksoi ai.
Sa i përket rolit të FSK-së, dhe mundësisë që FSK-ja të marr një rol zëvendësues në këtë proces të reduktimit të trupave të KFOR-it, ai tha se për këtë çështje nuk është vendosur ende, se çfarë roli do të këtë FSK-ja, por ai tha se do të vazhdojë ndihma NATO-s për ngritjen e kapaciteteve të FSK-së, por në anën tjetër rikujtoi se KFOR-i po qëndron në Kosovë me mandatin e OKB-së.
“KFOR-i operon në kuadër të mandati të OKB-së dhe ky mandat nuk përfshinë FSK-në si një forcë ekzekutuese sidoqoftë ne do të vazhdojmë asistencën tonë për FSK-në, ne dëshirojmë që ti zgjerojmë kapacitete e FSK-së, por nuk është marr kurrfarë vendim ende sa i përket kompetencave të ardhshme të FSK-së, kjo do të varët shumë nga zhvillimet ardhshme dhe çka mund të them KFOR-i është këtu për ekzekutimin e mandatit të Këshillit të sigurimit”, përfundoi Rasmussen.