Haradinaj: Vepra e presidentit Rugova, porosi për punë dhe sakrificë

nga **Agim Gashi** Fri Aug 14, 2009 7:57 pm

Haradinaj: Vepra e presidentit Rugova, porosi për punë dhe sakrificë

Besnik Boletini
Kryetari i Aleancës për Ardhmërinë e Kosovës Ramush Haradinaj ritheksoi sot orientimin e këtij subjekti si parti e djathtë në spektrin politik të Kosovës. Ai vizitoi sot varrin e presidentit të ndjerë Ibrahim Rugova dhe familjen e tij.

Haradinaj: Vepra e presidentit Rugova, porosi për punë dhe sakrificë HOMAZH

Haradinaj: Vepra e presidentit Rugova, porosi për punë dhe sakrificë HOMAZH

Haradinaj vlerësoi lartë figurën e Rugovës dhe tha se AAK-ja u kushton kujdes të posaçëm traditës dhe vlerave të popullit të Kosovës.
“Është në vullnetin politik të PDK-së të vendos nëse ata profilizohen si parti e djathtë, ky do të ishte një avancim në skenën politike, por Aleanca dhe koncepti ynë qeverisës dallon me konceptin e sotëm të PDK-së në shumë aspekte”.

Prishtinë, 14 gusht Një parti tjetër dhe lideri i saj, ka filluar të tregohet gjithnjë e më i kujdesshëm për njërin nga heronjtë më të mëdhenj shqiptar të kohëve, presidentin Ibrahim Rugova. Ndërsa, ka dhënë idenë për bashkimin e të djathtës, lideri i AAK-së, Ramush Haradinaj, tani ka filluar përpjekjet, nëse jo për ta bashkuar elektoratin e presidentit Rugova, të paktën të marrë një pjesë të tij. Por, është Haradinaj, ai që së fundi po interesohet më shumë se dy partitë, që thirren në filozofinë e Rugovës, LDK-ja e LDD-ja, që shkon në momente të ndryshme të bëjë homazhe tek memoriali i pa ndërtuar i Presidentit Rugova, si dhe tek familja e tij. Edhe pse ai i mohon pretendimet se këto vizita kanë si qëllim në esencë krijimin e një imazhi tjetër të partisë, në sfond ai duket se po krijon këtë alternativë.
Kryetari i AAK-së Ramush Haradinaj, të premten bëri homazhe dhe vizitoi familjen e presidentit Ibrahim Rugova. Ai tha se kjo vizitë është vazhdimësi e kujdesit të tij dhe e traditës së tij për të respektuar vlerat e krijuara në Kosovë. “Meqë jemi në procese me rëndësi për Kosovën, proceset që vazhdojnë në zbatimin e vendimeve të marrura, atëherë vepra e presidentit Rugova dhe mënyra si ka punuar, janë porosi se si duhet ne ti kryejmë punët e shtëpisë si Prishtinë dhe si Kosovë. Ju kujtohet nga dita e varrimet e tutje është një traditë e imja dhe nuk lidhet me periudha kohore, po ashtu me vjen mirë kur te gjithë e nderojnë në këtë vend”,tha Haradinaj. Ai tha se varri i presidentit Rugova është një vend ku më shumë i bashkon partitë e djathta se sa që i ndan. Këtë e tha duke aluduar në LDK-në dhe LDD-në, të cilat thirren në vlera të presidentit Rugova. “E djathta në Kosovë e ka para vetës trasimin e rrugës, varësisht prej vullnetit partive mund të ndodh bashkim më i madh i të djathtës, pra ky nuk është vend që na ndan, por është vendi që na bashkon”, u shpreh Haradinaj.
I pyetur se a kanë të bëjnë vizitat e tij në Prekaz dhe të varri i presidentit Rugova me fushatën parazgjedhore, ai tha se kjo është një traditë e tij e vazhdueshme dhe një përcjellje e mesazheve të caktuara. “Politikani i caktuar është në fushat gjatë gjithë kohës dhe ai zgjedh se cilat mesazhe dëshiron ti dërgoj, në këtë rast unë kam zgjedh një mesazh të respektimit të rrugës së deri tashme, njëkohësisht edhe në Tiranë po këtë qëllim e kisha një respektim të një vlerë të krijuar të demokracisë, në Prekaz po ashtu kemi një traditë, por edhe këtu kemi një traditë të ardhjes së vazhdueshme në përudhen kur nuk jemi shumë afër ndonjë fushate zgjedhore, pra janë mesazhe që i dërgoj për respektimin e vlerave të krijuara të Kosovës”, theksoi ai.
Ndërsa sa i përket deklarimeve të fundit të AAK-së si parti e djathtë, ai tha se AAK-ja është pozicionuar shumë herët si parti e djathtë. Ndërsa u shpreh i hapur për bashkëpunim me partitë që anojnë nga e djathta. “Memorandumet janë edhe një lidhje mes partive të spektrit të njëjtë sepse mund të jenë ndihmesë e ndërsjellë, si shkëmbimi i përvojave, njohjeve, qofshin programore apo të aspekteve politike”, u shpreh Haradinaj. I pyetur se a së nëse edhe PDK-ja profilizohet si e djathtë do të këtë mundësi të bashkëpunimit mes këtyre dy partive. Ai tha se AAK-ja dhe PDK-ja dallojnë shumë në konceptet e tyre si parti. As kësaj radhe ai nuk harroi që ta quaj qeverisjen aktuale si të dëmshëm për Kosovën. “Është në vullnetin politik të PDK-së të vendos nëse ata profilizohen si parti e djathtë, ky do të ishte një avancim në skenën politike, por aleanca dhe koncepti ynë qeverisës dallon me konceptin e sotëm të PDK-së në shumë aspekte. E them edhe njëherë besoj shumë që në të mirën e vendit është që vendit me i dhanë një qeveri përmes të cilës qytetarët munden me pa qeverisjen e sotme Thaçi, sa e dëmshme është dhe një qeveri Haradinaj sa e dobishme do të jetë për vendin”, përfundoi Haradinaj.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30