Vdes njeriu që jepte shpresa për kthimin e kosovarëve

Vdes njeriu që jepte shpresa për kthimin e kosovarëve




Ish-Zëdhënësi i Pentagonit, Kenneth Bacon, njeriu që u jepte shpresa qindra mijëra refugjatëve kosovarë gjatë luftës së një ditë të shpejtë do të kthehen në shtëpitë e tyre, ka vdekur të shtunën mbrëma.

Organizata Refugees International, kryetar i së cilës Bacon qe bërë më 2001, njoftoi se zëri i miliona refugjatëve ka vdekur nga kanceri i lëkurës në moshën 64 vjeçare.

Sekretarja amerikane e Shtetit Hillary Clinton ka deklaruar se “për miliona njerëz në botë, refugjatë dhe viktima të tjera të konfliktit, Kenneth u bë një burim i paçmueshëm i shpresës, inspirimit dhe mbështetjes”.

Sa ka qenë kryetar i Refugees International, organizata kishte dyfishuar madhësinë dhe kishte shtuar mbrojtjen dhe ndihmën për refugjatë në vende konflikti si Darfuri, Iraku, Afganistani, DR Congo, Kolumbia, Tajlanda dhe Majanmari.