Halit Bogaj: Adem Jasharit

nga **Agim Gashi** Thu Aug 27, 2009 1:04 am

Halit Bogaj

ADEM JASHARIT

/Shkruar me rastin e 10 vjetorit të vrasjes së tij barbare/

Në Prekaz shkëndia ndriti

Dhe mbarë botën e tronditi

Luftuan trimat çlirimtarë

Shumë armiq duke vrarë

2

Luftoi fort Adem Jashari

Ndër kolosët legjendari

Luftoi ashpër si luani

Me të ishte Bacë Shabani

3

Edhe Hamza ish me ta

Ndihmë të madhe ai u dha

Se Drenica vazhdimisht

Luftën bënte trimërisht

4

Prandaj sot të gjithë jasharët

Vizitohen nga shqiptarët

Vizitohen nga rinia

Që e di çka është liria

5

Bacë Ademi luftën nisi

E ndihmonte farefisi

Nuk e lanë të vetmuar

Me armikun e tërbuar

6

Me armikun shekullor

Në atë vend trimëror

Dhe njëmend e pa Serbia

Se çka ish Atdhetaria

7

Kriste pushkë Adem Jashari

Siç veproi përherë shqiptari

Atë Drenicën heroike

E rrethuan bandat çetnike

8

Si dikur në atë Vraninë

Mbronin trimat Shqiptarinë

Shumë batare mbi ta ranë

Gjurmë të krimit ata lanë

9

Edhe bota sot çuditet

Dhe gjithkush me ta habitet

Moj Drenicë me plot lavdi

N’ luftë t’ përhershme me Serbi

10

Dhe gjithmonë luftën e nise

Ndaj armikut pushkën krise

Shembull ishe për Kosovë

Pejë, Gjilan edhe Gjakovë

11

Shalë – Bajgorë Llap e Gollak

Ndaj armikut merrnin hak

Gjithashu dhe Kaçaniku

Asnjëherë luftës s’i iku

12

Krejt Kosova n’ zjarr e n’ flake

Me armikun u përgjak

U përgjak sikur çdo herë

Si në dimër e pranverë

13

Sepse shpesh ky vend dëshmor

Bënte luftën me mizorë

Fort e çmendur ish ushtria

Që po vinte nga Serbia

14

Por Ademi Uragan

Ish i rreptë sikur titan

Për çdo ditë në Dardani

Dritë kërkonte dhe liri

15

Tmerr i sillte Shumadisë

Si një yll i Ilirisë

Prandaj ai për këtë atdhe

Na u bë një Skënderbe

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30