Thaçi: Në shtetin tonë nuk ka vend për dhunë

Thaçi: Në shtetin tonë nuk ka vend për dhunë

Bota sot
Qëndrimi i institucioneve të Republikës së Kosovës për të gjitha këto zhvillime ka qenë shumë i qartë, shumë i vendosur dhe plotësisht në përputhshmëri me Kushtetutën e Republikës së Kosovës.



Kryeministri Hashim Thaçi: Ngjarjet penguese dhe të dhunshme në Mitrovicë kanë qenë, janë dhe do të jenë vazhdimisht të papranueshme për Qeverinë e Republikës së Kosovës dhe do të punohet maksimalisht që ato skena të parandalohen me të gjitha mjetet që lejon Kushtetuta e Republikës së Kosovës


Kryeministri Thaçi ka folur edhe lidhur me gjendjen aktuale politike në vend, progresin e arritur në Kosovë si edhe për rastet e fundit të dhunës. "Qëndrimi i institucioneve të Republikës së Kosovës për të gjitha këto zhvillime ka qenë shumë i qartë, shumë i vendosur dhe plotësisht në përputhshmëri me Kushtetutën e Republikës së Kosovës", ka thënë kryeministri Thaçi. Duke folur për zhvillimet e fundit në pjesën veriore të vendit, kryeministri Thaçi ka thënë: "Ngjarjet penguese dhe të dhunshme në Mitrovicë kanë qenë, janë dhe do të jenë vazhdimisht të papranueshme për Qeverinë e Republikës së Kosovës dhe do të punohet maksimalisht që ato skena të parandalohen me të gjitha mjetet që lejon Kushtetuta e Republikës së Kosovës, dhe ligjet tona në fuqi dhe që duhet të vlejnë e që do të vlejnë për gjithë territorin e Republikës së Kosovës", ka thënë kryeministri. "Qytetarët e Mitrovicës, pavarësisht prej përkatësisë së tyre etnike, kanë të drejtë themelore, të garantuar me Kushtetutë dhe me ligj, që të jetojnë të qetë, të lirë, të sigurt në pronat dhe shtëpitë e tyre, kudo që ndodhet ajo brenda territorit të Republikës së Kosovës", është shprehur kryeministri Thaçi. Me kërkesë të Ministrisë së Shëndetësisë, Qeveria i ka ndarë 4 milionë euro për blerjen e 500.000 vaksinave kundër gripit A H1N1. Qeveria ka miratuar gjitashtu rialokimin e shumës prej 1.070.000 eurosh për Ministrinë e Forcës së Sigurisë së Kosovës Qeveria e Kosovës i ka ndarë sot 13.000 euro për mbulimin e shpenzimeve për vendosjen e bustit të ish-presidentit të SHBA-ve, Bill Klinton, në Prishtinë. Në mbledhjen e sotme, Qeveria ka marrë vendim për themelimin e Qendrës Nacionale për Grumbullimin e të Dhënave mbi vetëvrasjet dhe sjelljet e vetëlëndimit në nivel kombëtar, e cila do të vendoset në Institutin Kombëtar të Shëndetit Publik, në Prishtinë. Në mbledhjen e saj të sotme, Qeveria i ka miratuar dy projektligje: Projektligjin për Organizimin Sindikal në Kosovë dhe Projektligjin për Masat Doganore për Mbrojtjen e të Drejtave të Pronësisë Intelektuale.
Qeveria do të sigurojë zgjedhje të lira e transparente

- Kryeministri i Kosovës, Hashim Thaçi, ka ritheksuar sot mbështetjen e qeverisë së vendit që zgjedhjet e 15 nëntorit të jenë të lira e demokratike. "Ky është një provim i madh, të cilin ne duhet ta japim me sukses të plotë, një provim për rendin demokratik, për demokracinë dhe për të ardhmen tonë euroatlantike. E gjithë bota do të na shikojë se si do ta kalojmë edhe atë sfidë, në mënyrën më të mirë të mundshme", ka thënë Thaçi. "Dua të theksoj se pas shpalljes së Kosovës shtet, këto zgjedhje janë prej ngjarjeve më të rëndësishme për Kosovën, ku do të maten dhe do të vlerësohen kapacitetet tona shtetformuese, si dhe vizioni ynë, vizioni i të gjithëve për të ardhmen", ka shtuar ai në mbledhjen e sotme të qeverisë. Ai ka thënë se Qeveria e Republikës së Kosovës "i jep përkrahje të plotë organizimit sa më të mirë, sa më profesional, rritjes së transparencës në këtë proces dhe përkushtimeve profesionale të Komisionit Qendror Zgjedhor". Z. Thaçi ka shprehur përkushtimin e qeverisë për krijimin e kushteve sa më të mira për punë të KQZ-së.