Kongresi i PS-së vendos të mos njihen zgjedhjet

Kongresi i PS-së vendos të mos njihen zgjedhjet

Kongresi tashmë ka filluar sesionin e dytë të punimeve me shpalljen e kandidaturave për Kryetar.

Delegatët e Kongresit të PS-së, votuan rezolutën për mos njohjen e zgjedhjeve paraqitur nga kryetari në detyre, Edi Rama. Mësohet se vetëm 4 vota kundër ka pasur kjo rezolutë dhe një abstenim nga afro 1.500 vetë që gjendeshin në sallë. Pra me shumice votash fiton projekti Rama.Kongresi tashmë ka filluar sesionin e dytë të punimeve me shpalljen e kandidaturave për Kryetar.
Maqo Lakrori i pari garues për postin e Kryetarit të PS-se, lexon platformën e tij. Kongresi po i zhvillon punimet me dyer të hapura.
Meksi: Procesi i zgjedhjeve i dështuar. Nuk do e njohim rezultatin
Deputetja socialiste Ermelinda Meksi ka mbrojtur sot tezën e Edi Ramës për të mos njohur zgjedhjet e 28 Qershorit.
Për Meksin, PS është e bindur tashmë se zgjedhjet janë manipuluar dhe shumë shkelje, “sidomos në Fier treguan procesin e dështuar të zgjedhjeve”.
Në një prononcim për TVNews24, nga ambientet e Pallatit te Kongreseve ku po zhvillohet Kongresi i Jashtëzakonshëm i PS-së, Meksi ka vlerësuar edhe Kongresin e jashtëzakonshëm socialist që po zhvillohet sot.
“Ky Kongres ishte i nxituar, i nxitur nga një grusht njerëzish”, por sipas saj debatet janë një formë demokratike që gjithsesi dëshmojnë demokracinë në parti.
“Debati është për të forcuar partinë, për përgatitjen tonë dhe për t’i ballafaquar socialistët për fushatën e ardhshme elektorale”, shton ajo.