Berisha mer pjesë në ceremoninë përkujtimore të LDB-së në Poloni

Berisha mer pjesë në ceremoninë përkujtimore të LDB-së në Poloni

Bota sot, Tiranë
Kryeministri Berisha merr pjesë në Ceremoninë e 70-vjetorit të fillimit të Luftës së Dytë Botërore në Poloni.




Kryeministri i Shqipërisë dr. Sali Berisha

Kryeministri i Shqipërisë dr. Sali Berisha u nis për një vizitë 1 ditore në Poloni për të marrë pjesë në Ceremoninë Përkujtimore me rastin e 70-vjetorit të fillimit të Luftës së Dytë Botërore.Kjo ceremoni Përkujtimore zhvillohet në qytetin e Gdansk, qyteti- port më i rëndësishëm në brigjet e Detit Baltik, i njohur edhe si vendlindja e Lëvizjes “Solidarnost”, themeluar nga aktivisti politik i atyre viteve në Poloni, më pas President i Polonisë, Lech Walesa, i cili luajti një rol madhor në fundin e komunizmit në Evropën Qëndrore dhe ka marrë çmimin Nobel për Paqen në vitin 1983.
Qyteti historik i Gdansk, ku do të zhvillohet Ceremonia Përkujtimore me rastin e 70-vjetorit të fillimit të Luftës së Dytë Botërore do të mirëpresë personalitetet më të larta të qeverive europiane dhe institucioneve europiane si Presidentin e Parlamentit Europian z. Jerzy Buzek, Kryeministrin e Çekisë z. Jan Fischer, Kancelaren Gjermane znj.Angela Merkel, Kryeministrin e Rusisë z. Vladimir Putin, Kryeministrin e Serbisë z. Mirko Cvetkoviç, Kryeministrin e Sllovakisë z.Dushan Caploviç, Kryeministrin e Estonisë z. Andrus Ansip, Kryeministrin e Italisë z.Silvio Berlusconi, Kryeministrin e Bjellorusisë z. Siarhiej Sidorski, Kryeministrin e Letonisë z.Valdis Dombrovskis, Kryeministrin e Lituanisë z.Andrius Kubilius, Kryeministrin e Hollandës z.Jan Peter Balkenende, Kryeministrin e Suedisë z.Fredrik Reinfeldt, Kryeministrin e Finlandës z. Matti Vanhanen si dhe ministrat e Jashtëm të Francës dhe Britanisë së Madhe, z. Berndard Kushner dhe z. David Miliband