Cikël poetik nga Agim Vuniqi

nga **Agim Gashi** Thu Sep 03, 2009 1:14 am

Endërra

Je ne gjumë por nuk flen
në kërkim
kush ta vuri këmishën e të çmendurit
në dukje i lirë, në rrugë pa kthim

Shpirtin ta droguan, edhe një dozë më shumë
si të gjesh shpëtim
përulja nuk të jep shqetësim...! ?
athua ka mbetur gjë nga ti
je njeri apo personifikim

A ruan ndonjë kujtim
me sy të hapur shkon në greminë
për injorancë s'të duhet evaluim
të dekorojnë edhe kur nuk flet gjë
shurdhmemeci është për admirim
ai kupton
edhe pse nuk dëgjon
zhurma për te nuk është zhgënjim

O njeri pse flet me veten ti
aty çmenduria gjen burim
shetitesh natën në gjumë,
jam në kërkim
për një ëndërr të vendit tim

27 qershor, 2008, Farmington Hills

Në kërkim

Më zuri gjumi në bankino
ora numronte kohën, para syve të mi
mu aty në qoshe kishin lidhur dashuri
dy rrugë që i jepnin vendit gjallëri
Middlebelti dhe 12 Mile-shi, ishin aty

Në anën e majtë ndihej një melodi
a ishte xhez, soul, apo bluz nuk di
kujtimeve u jepte madhështi
mendja më kishte kthyer prapa në histori
te një djep i vjeter dhe pragu i derës
ishim femijë, jeta ishte plote gjallëri

zemra ishte plot mall
për prindërit e mi
nuk shihja gjë me sy,
por unë isha aty, brenda në shtëpi,
bëja llaf dhe qeshesha, oh sa ishte kënaqësi

Dhe u ndal muzika, u ndalën edhe kujtimet
para meje ishte ngulitur një i zi
me zë te ultë më pyeti "Are you ready ?"
autobusi na priste ne të dy
por unë nuk isha aty, mendja ime ishte në shtëpi

No thank's
ai shkoi, nuk më shqetësoi
ishte shumë qetësi, nuk dëgjohej më asnjë melodi
i ziu që shkoi, mallin ma shtoi
humba shiqimin, edhe pse kisha sy

e kërkoja pragun e derës, edhe djepin e vjetër
nuk ishin më aty

21 qershor, Farmington Hills

Së bashku

Më shtërngoi doren me sa forcë që kishte
e ndieja që e kam në afërsi
nuk ndieja dhimbje, as nuk kisha vetmi
zëri i butë i saj më jepte freski

rrugën që përshkuam së bashku
ishim bër një
ishin momente që përjetonim vetëm ne të dy,
shpejtesi marramendese, koha na sfidonte
sa më afer cakut kishim më shumë lehtësi

gjaku dhe koha ishin bë një
krijonin një harmoni,
zemra i jepte mendjes fuqi
me shumë vështirësi

edhe pse gjaku shponte,
ajo më shtërngonte
shumë, shumë..., më ndihmonte

dera e hapur në emërgjenci
na gëzojë që të dy
ishim ne betejë, atë e fituam, së bashku qëndruam
mjek, infermier..., gjendjen e qetësuan

qershor 2008, Providence Hospital, Novi

Balansi

Rrezet i ndali dielli
qiellit i humbi shkëlqimi,
retë lozonjare lojën filluan
kërcim i papërmbajtur
vallet u shpeshtuan
lëvizjet e shpejta u elektrizuan,
përmallje për diellin,
në lot dhe dënesje, gjenin shpëtimin
her - her largoheshin pastaj prap vinin
tornado dhe hurikani nuk ishte magji
qiellin zymtonin deri në histeri

Retë dhe toka me heshta zjarri luftonin
oqeani e ndihmonte këtë bestytni
kishte shumë dhunti
kur hidhërohej me dallgë vringëllonte
rryma të ftohta krijonte
me qiellin komunikonte
krijohej kompatësi
nuk është asgjë rastësi
në gjithësi

Athua ka dorë njeriu
ka shumë padrejtësi dhe papërgjegjësi
shumë lakmi
merr e mos jep
prishet balansi

Natyra të dënon, kur gabon
nuk ka falje nëse dështon,
athua pse fshehej dielli?

26 qershor, Farmington Hills

Rruga pa kthim=Bomba atomike

A ka jeta rregulla apo është arenë gladiatorësh
shumë pyetje, nuk ka përgjegjësi
njeriu betohet për çdo ditë se beson,
por në fakt çdo gjë mohon
rikthim në histori
për gladiatorët shumë nostalgji
liderët na bindin në përgjegjësi,
shumë fytyra, apo dyftyrësi

Stabilitet, balans, apo...
peshë atomike, shtim neutronesh
kush pra promovon
jostabilitetin - stabilitet

Pse është U 235 më stabil se U 236
a është ky një impresion apo vetëm teori
cilat janë ato mundësi
bomba atomike është gati po t'i ndan këto të dy

Forca tërheqëse nukleare, lufta në mes
nukleusi stabil
pse pra ky vrapim
gara për shpëtim apo shkatrrim
gamë të shkurtëra
lidhje neuklonesh
kush ka kujdes janë neutrone apo protone

Ka rregulla në natyrë, në gjithësi
nuk pyet tornado e hurikani për demokraci

A janë të dobëta forcat elektromagnetike ndërmjet
të çfarë game janë
a është ky shpëtim apo kërcnim
profiti ndikon njeriun robotizon,
e ëndërrat ku janë?

Ç'na duhen heronjtë
vrapim në armatim
pse kaq shumë eskperimente bërthamore
bota rrezikohet
në rrugë pakthim

21 korrik, 2008, Farmington Hills

Hutia

Përsëritje e sërishme, do të jetojmë këtu apo atje
analizë e kotë, nuk është ndonjë risi
Obama do të ndërroj gjë, a thua do të fitojë
po McCain a ofron siguri
fjalë që shpesh i dëgjoj,
e nga vetja çfarë kërkoj?

Nuk shërohet shpirti i tazuar duke shiquar TV,
kam shumë zbrazëti
koka vlon, natyra shpesh njeriun dënon
profit, teknologji janë gjëra që të bien në sy,
varshëmri globale, lëvizje "marketi"
akcione që bien, shumë papunësi

Dikush mendon i lirë si të jetoj,
ai tjetri si të gjallëroj, sa më shumë të përfitoj
racat në rivalitet,
religjioni ndasi, pse jo afërsi
të gjitha këto mendja i trillon,
njeriun si t'a eksploaton

Shumë tragjedi, i ke të gjitha në TV
CNN, Al Jezira, CNBS...
për çdo ditë raportojnë
vrasje, krime, bomba, terrorizëm..,
pasiguri,
mungesë e arit të zi
çmimet në pakufi,
kjo është një çmenduri,
nuk ka më mirësi.

24 qershor, 2008, Farmington Hills

Contradictions yes but not apocalypse

Dreams I dream create more misery
rain drizzles am I free?
I am not homeless
is this happiness?

Wonder when I watch TV Online
how foreigners are more pro-American
than those living in USA
there is no hope at risk
are they more pragmatic?

I understand all those who speak about democracy
free speech ...
reality makes me demented,
people seeking justice, jobs, prosperity
all are vanity
CEO does not think so
moneymakers, bonuses do not imagine

In Wall Street things do not change
asset prices fall
Madoff is attraction
thousands of lives destroyed,
his muzzle still I watch in TV

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30