Rreth 1 mijë e 200 nxënës jashtë procesit arsimor

Rreth 1 mijë e 200 nxënës jashtë procesit arsimor




Shqetëson numri i nxënësve të mbetur jashtë procesit arsimor.

Ferizaj, Viti shkollor ka nisur me shumë vështirësi, sa i përket hapësirës shkollor, përkundër faktit se për një gjë të tillë janë investuara, miliona euro për të siguruar hapësirë të mjaftueshme për mësim. Këto vështirësi janë shumë të theksuara në shkollën e bujqësisë “Zenel Hajdini” sepse ajo tash nuk është aktive në procesin arsimor. Rreth 1 mijë e 200 nxënës kanë mbetur në mëshirën e firmës që është duke i kryer punët. Zyrtari i lartë i Drejtorisë për Arsim Ejup Isufi rreth këtij problemi ka informuar se shkolla sipas marrëveshjes më pronarin e firmës është dashur të përfundoj në mbarim të muajit gusht ndërsa tash nuk është gati. Madje ka gjasa që të mos përfundoj deri ka mesi i nëntorit. Ata që kanë nënshkruar kontratën për kryerjen e punës duhet të angazhohen dhe të marrin masa. Mbetja e 1 mijë e 200 nxënëseve jashtë procesit mësimor jashtëzakonisht prish imazhin e kësaj Drejtorie, ndërsa më së shëmti dëmton nxënësit që kanë mbetur të injoruar.
Sipas informatave Drejtoria e Arsimit nuk është kah rrinë duarkryq. Po bënë përpjekje që të mos lërë nxënësit në këtë gjendje. ,. Është gjetur varianti që shkolla e fshatit Nikadin, e cila i ka 12 klasë, të shfrytëzohet nga nxënësit e kësaj shkolle, mirëpo këtu ka hasur sharra në gozhdë. Fshatarët që kanë pritur si drita diellin të inaugurohet shkolla e re që tash përkohësisht është paralele e ndarë e asaj “Tefik Çanga”, kundërshtojnë nismën drejtorit të shkollës së bujqësisë, po edhe të Drejtorisë së Arsimit. Nëse ndodhë kjo rreth 800 nxënës të Nikadinit do të detyrohen të udhëtojnë përsëri në Ferizaj, në mungesë të hapësirës shkollore, sepse shkolla nuk ka kapacitet për të pranuar 2 mijë nxënës.
D. Zefi