Marigona dhe e ardhmja e saj në Amerikë

Marigona dhe e ardhmja e saj në Amerikë





Marigona Dragusha, fituesja e çmimit Përcjellësja e dytë në Miss Universe 2009 tashmë do të udhëtojë përsëri drejt Amerikës, për të lidhur një kontratë pune atje. Ende nuk e di se me cilën firmë do të lidhë bashkëpunimin, mirëpo e rëndësishme për të është se ajo është e ftuar nga njerëz të njohur të botës së modës dhe të bukurisë. Ndër ta është edhe biznesmeni i njohur botëror Donald Trump, me të cilin Gona është takuar dhe ka bërë një mri fotosh, për të marrë gjithashtu edhe përshtypjet e tij të mira për bukuroshen kosovare. Pak ditë më parë Dragusha është kthyer nga Miss Universe nën një atmosferë madhështore, që i ka organizuar babai i saj në bashkëpunim me “Art motion”, nga e cila edhe është zgjedhur miss. Ajo gjithashtu është takuar me kryetarin e komunës së Prishtinës, Isa Mustafa, i cili e ka pritur për ta uruar për çmimin e marrë. “Marigona Dragusha ka arritur një nivel shumë të lartë të prezantimit dhe në emër të komunës e përgëzoj për sukseset e saja në Miss Universe, duke i dëshiruar suksese në ndërtimin e karrierës së saj në të ardhmen”, ka uruar ai, duke e vlerësuar lart këtë sukses. Ndër të tjera i e ka quajtur ambasadore të bukurisë. Ndërkohë Marigona është shprehur të jetë befasuar kur emri i saj i është thirrur për të hyrë në pesëshe, ndërkohë me çmimin e tretë ndjehet shumë e lumtur. V. Pllana