09.09.09, çiftet në Kinë rendin të vënë kurorë

09.09.09, çiftet në Kinë rendin të vënë kurorë






Mijëra kinezë po nxitojnë të martohen sepse data e sotme 09/09/09 konsiderohet si datë fatsjellëse. Në gjuhën kineze shifra nëntë shqiptohet "jiu", që përfshin edhe kuptimin "për një kohë të gjatë". Ky varg nëntash, sinonim i jetëgjatësisë për martesat, i shtyu shumë kinezë të kërkojnë ligjërimin e bashkimit të tyre këtë të mërkurë.
"Mendonim të martoheshim në mars, por kur vumë re kalendarin dhe pamë datën 9 shtator, ndryshuam mendim", deklaroi një i ri i pyetur nga televizioni e Pekinit përpara një prej zyrave të regjistrimit të gjendjes civile të kryeqytetit.
"Kemi gjithë natën që presim", tha ai duke shtrënguar dorën e bashkëshortes së ardhshme. Të martën në mbrëmje, 3 500 çifte ishin regjistruar për t'u martuar në tre të katërtat e Pekinit dhe rreth 5 000 në Shangai, njoftoi China Neës Service.
Në Canton, në jug, më tepër se 6 100 çifte kanë bërë të njëjtën gjë, pothuaj si kudo në Kinë. Numri i tyre mund ta kalojë shifrën e të martuarve më 8 gusht të vitit 2008, ku teta konsiderohej gjithashtu si fatsjellëse, që ishte gjithashtu dita e hapjes së Lojërave Olimpike të Pekinit.