Izraeli e mbështet Serbinë

Izraeli e mbështet Serbinë
Ministri i Jashtëm izraelit, Avigdor Lieberman, ka deklaruar në Beograd se vendi i tij nuk e njeh pavarësinë e Kosovës. Për këtë qëndrim, ai ka marrë falënderime nga presidenti serb, Boris Tadic dhe ministri Vuk Jeremic

Nga Express

Presidenti serb, Boris Tadic, e ka falënderuar Izraelin për përkrahjen që i ka dhënë Serbisë në procesin e integrimit europian dhe si dhe për përkrahjen parimore “për ruajtjen e integritetit territorial dhe sovranitetit serb”.

“E çmoj shumë faktin që Izraeli përkrah integritetin territorial dhe sovranitetin e Serbisë dhe që nuk e njeh pavarësinë e njëanshme dhe të paligjshme të Kosovës”, ka thënë Tadic, pas takimit me ministrin e Jashtëm izraelit, Avigdor Lieberman, i cili të mërkurën ka qëndruar për një vizitë zyrtare në Beograd.

Lieberman është takuar edhe me shefin e diplomacisë serbe, Vuk Jeremic. Duke folur rreth Kosovës, dy ministrat kanë vlerësuar se vetëm një proces i ri negociator mes Beogradit dhe Prishtinës mund të sjellë te zgjidhja stabile dhe afatgjatë për statusin e Kosovës, kanë shkruar mediat serbe.

“Izraeli nuk e njeh shpalljen e njëanshme të pavarësisë së Kosovës dhe ne këtë e çmojmë shumë, duke marrë parasysh presionet që ka Izraeli për ta bërë këtë”, ka thënë Jeremic, në një konferencë të përbashkët shtypi me homologun e tij izraelit.

I pyetur se a po ushtrohet presion mbi Izraelin që ta njohë Kosovën, Lieberman ka thënë se vendi i tij “prej vitit 1948 është nën presion prandaj është mësuar me këtë”.

Gjatë vizitës së djeshme në kryeqytetin serb, Lieberman dhe Jeremic kanë nënshkruar një marrëveshje për heqje të vizave mes dy vendeve.

Shefi i diplomacisë izraelite të martën ka qëndruar edhe në Zagreb, ndërkaq të enjten do të vizitojë Podgoricën, në kuadër të një turi ballkanik.

Agim Gashi shkruajti:

Izraeli e mbështet Serbinë
Ministri i Jashtëm izraelit, Avigdor Lieberman, ka deklaruar në Beograd se vendi i tij nuk e njeh pavarësinë e Kosovës. Për këtë qëndrim, ai ka marrë falënderime nga presidenti serb, Boris Tadic dhe ministri Vuk Jeremic

Nga Express

Presidenti serb, Boris Tadic, e ka falënderuar Izraelin për përkrahjen që i ka dhënë Serbisë në procesin e integrimit europian dhe si dhe për përkrahjen parimore “për ruajtjen e integritetit territorial dhe sovranitetit serb”.

“E çmoj shumë faktin që Izraeli përkrah integritetin territorial dhe sovranitetin e Serbisë dhe që nuk e njeh pavarësinë e njëanshme dhe të paligjshme të Kosovës”, ka thënë Tadic, pas takimit me ministrin e Jashtëm izraelit, Avigdor Lieberman, i cili të mërkurën ka qëndruar për një vizitë zyrtare në Beograd.

Lieberman është takuar edhe me shefin e diplomacisë serbe, Vuk Jeremic. Duke folur rreth Kosovës, dy ministrat kanë vlerësuar se vetëm një proces i ri negociator mes Beogradit dhe Prishtinës mund të sjellë te zgjidhja stabile dhe afatgjatë për statusin e Kosovës, kanë shkruar mediat serbe.

“Izraeli nuk e njeh shpalljen e njëanshme të pavarësisë së Kosovës dhe ne këtë e çmojmë shumë, duke marrë parasysh presionet që ka Izraeli për ta bërë këtë”, ka thënë Jeremic, në një konferencë të përbashkët shtypi me homologun e tij izraelit.

I pyetur se a po ushtrohet presion mbi Izraelin që ta njohë Kosovën, Lieberman ka thënë se vendi i tij “prej vitit 1948 është nën presion prandaj është mësuar me këtë”.

Gjatë vizitës së djeshme në kryeqytetin serb, Lieberman dhe Jeremic kanë nënshkruar një marrëveshje për heqje të vizave mes dy vendeve.

Shefi i diplomacisë izraelite të martën ka qëndruar edhe në Zagreb, ndërkaq të enjten do të vizitojë Podgoricën, në kuadër të një turi ballkanik.

Po c'presim nga nje shtet si Izraeli, qe akoma nuk njohin vendin e tyre!
Nuk me cudit menyra e perkrahjes qe i ka dhene izraeli serbis, i bashkon nje qellim ata "HAJDUT TROJESH" ka gjetur tenxherja kapakun!