Nobelisti Yusuf, premton projekte zhvillimore për Shqipërinë

Nobelisti Yusuf, premton projekte zhvillimore për Shqipërinë

Bota sot
Kryeministri Berisha takon në New York fituesin e çmimit Nobel, Mohammad Yusuf



Kryeministri Berisha-Mohammad Yusuf

Gjatë vizitës së tij në New York, Kryeministri Berisha zhvilloi një takim mjaft të frytshëm me zotin Mohammad Yusuf, një personalitet i njohur në botën e finacës, i cili është nismëtari i revolucionit financiar të mikrokreditimit.
Zoti Yusuf ka qenë profesor i njohur në Chittangog University në Bangladesh, një vend me varfëri ekstreme, gjë që e bëri atë që të krijonte një skemë të mikrokreditimit të fermerëve të varfër në vendin e tij.
Më pas ai themeloi Grameen Bank, e cila në këto vite ka ndihmuar dhe përkrahur me mikrokredi me mijëra e mijëra njerëz në mbarë botën, ndërmjet tyre 94% ishin gra të cilat ndryshuan krejtësisht jetën e tyre dhe të familjeve të tyre duke dalë nga mjerimi.
Për këtë kontribut të madh në luftën kundër mjerimit dhe varfërisë, zotit Yusuf iu akordua CMIMI NOBEL.
Kryeministri Berisha e njohu zotin Yusuf me zhvillimet dhe reformat e ndërmarra nga qeveria shqiptare në vitet e fundit, duke u ndalur veçanërisht në luftën e vazhdueshme kundër mjerimit dhe varfërisë.
Kryeministri theksoi se qeveria shqiptare do të ndërmarrë të gjitha hapat e nevojshëm për të ç’rrënjosur përfundimisht mjerimin në vend dhe për të luftuar varfërinë.
Në këtë aspekt nënvizoi se mikrokreditimi për fermerët shqiptarë që kërkojnë të hapin apo zgjerojnë aktivitetin e tyre është një hap jetik për luftën kundër varfërisë dhe ç’rrwnjosjen e mjerimit në zonat rurale.
Zoti Yusuf u shpreh mjaft i gatshëm që me projekte konkrete të përkrahë qeverinë shqiptare në këtë drejtim, dhe se së shpejti ai do të vizitonte vendin tonë, për t’u njohur nga afër me nevojat dhe prioritetet e kësaj ndihme.
Kryeministri Berisha garantoi zotin Yusuf se qeveria shqiptare dhe ai personalisht, do të mbështesin me forcë punën dhe projektet e zotit Yusuf në vendin tonë.