Milazim Kadriu: Komunikatë e Komitetit të Ballit Kombëtar për Rrethin e Llapit

nga **Agim Gashi** Fri Oct 16, 2009 2:28 am

Komunikatë e Komitetit të Ballit Kombëtar për Rrethin e Llapit

BALLI KOMBËTAR,KOMITETI PËR RRETHIN E LLAPIT PËRKRAH ENERGJIKISHT KANDITATURËN PËR KRYETAR TË KUVENDIT KOMUNAL TË BESIANES,LUFTËTARIT TË SHQIPRISË ETNIKE, Z. MUHAMET LATIFI

Nga Milazim KADRIU

Në prag të fillimit të fushatës parazgjedhore për zgjedhjet lokale të 15 nëntorit,BK përkatësisht Komiteti për Rrethin e Llapit ka lëshuar një komunikatë për media të nënshkruar nga kryetari Mehmet Breznica. Meqë BK në komunë e Besianës nuk është certifikuar nga KQZ për të garuar në këto zgjedhje,ata janë përcaktuar që të përkrahin kandidatin e PDK-së për kryetar komune. Në këtë komunikatë ndër tjera thuhet:” Duke u nisur nga vlerat morale të DEKALOGUT moral të Ballit Kombëtar, si dhe duke u nisur nga vlerat politike dhe kombëtare të DEKALOGUT politik të Ballit Kombëtar,Komiteti i Ballit Kombëtar për Rrethin e Llapit vendosi unanimisht që në zgjedhjet lokale të 15 nëntorit në Komunën e Besianës të përkrah energjikisht kandidaturën për Kryetar të Kuvendit Komunal në Besianë të nacionalistit dhe luftëtarit të paepur të Shqipërisë Etnike, z. Muhamet Latifit.

Z. Muhamet Latifi duke qenë bir i një familjeje nacionaliste që në kontinuitet historik luftoi për Shqipërinë Etnike,kurrë se ndali luftën me pendë dhe pushkë në shërbim të idealeve të nacionalizmës shqiptare kundër okupatorit sllavo-komunist.

Ai si student dhe largpamës prej strategu mori pjesë në përgatitjen dhe organizimin e demonstratave të vitit 81-një bashkë me njerëzit e familjes së tij duke u shndërruar në një zë të fuqishëm të ndërgjegjes kombëtare shqiptare për të drejtën e VETËVENDOSJES së Kombit Shqiptarë në Gadishullin Ilirik në bazë të parimeve demokratike të Kartës së Atlantikut.

Ai si nxënës besnik i mësimeve të nacionalistit Metush Krasniqit shpëtimin e Kombit Shqiptarë e shihte vetëm në luftën tonë të armatosur dhe në miqësi të përhershme me Shtetet e Bashkuara të Amerikës.

Muhamet Latifi pra përfaqësonte vlerat pro perëndimore të demokracive perëndimore dhe mbi doktrinën e këtyre vlerave e zhvilloi luftën e tij për Komb dhe Atdhe.

Rënien e murit të Berlinit,më 3 tetor të vitit 89-të,z.Muhamet Latifi e festoi më gëzim të pa përmbajtur duke iu gëzuar bashkimit të Kombit Gjerman dhe njëherit fundit të ideologjisë sllavo-komuniste dhe bartësve të saj që ishin shndërruar në varrë të popujve liridashës,njëherit edhe të kombit shqiptarë.

Më 23 dhjetor 1989 kur në Kosovë lindi LDK-ja, nën udhëheqjen e ish presidentit të Kosovës,z. Ibrahim Rugovës,z. Muhamet Latifi bashkë me shumë nacionalistë të tjerë të Komunës së Besianës iu bashkëngjitën pa hezitim këtij organizimi politik dhe z. Latifi ishte ndër themeluesit e parë të LDK-ës në Besianë.

Për veprimtarinë e tij të palodhshme dhe të devotshme bashkë me familjen e vet dhe nacionalistë të tjerë brenda kësaj lëvizjeje gjithëkombëtare në Kosovën martire,familja Latifi në vitin 90-të u sulmua me forca të shumta policore dhe ushtarake të okupatorit sllavo-komunist me ç’ rast bien dëshmorë Besim dhe Skender Latifi.

Në këtë betejë të pa barabartë dhe tejet agresive në të cilën Muhamet Latifi luftoi si luan me një pushkë M-48-të ju shkaktoj humbje te konsiderueshme forcave të okupatorit serbo-komunist,humbje këto të cilat ata kurrë si deklaruan për të mbajtur të gjallë “moralin” shovinist serbë. Pra,familja Latifi ishte vënë në shënjestër të okupatorit sllavo-komunist me ç’ rast të indinjuar nga humbjet e mëdha që pësuan në Pollatë prapë u sulmua një pjesë e kësaj familjeje në Besianë në fund të vitit 89-të me ç’ rast morën një sëpatë në kokë nga një gjimnazist i kësaj familjeje.

Pjesëtarë të kësaj familjeje atdhetare u dënuan në vazhdimësi që nga viti tetëdhjetë e një e tutje me dënime drakonike duke filluar nga dënimi me nga nëntë vjet burg të rënd e deri në dënimin me kapital –me vdekje.

Në vitin 1995 anëtari i kësaj familjeje, z. Shefki Latifi i cili përveçse ishte anëtar i LDK-ës ishte edhe anëtar i angazhuar në strukturat qeveritare në grumbullimin e 3%-qindëshit për mbijetesën e arsimit shqip në Kosovë dhe pikërisht në këtë detyrë humane dhe patriotike okupatori sllavo-komunist e mbyti në tortura sadiste në stacionin policor të Besianës duke u munduar që ta bindnin që të hiqte dorë nga ky aktivitet human.

Z. Muhamet Latifi disa herë u keqtrajtua dhe u burgos duke e vuajtur dënimin në burgjet famëkëqija të Serbisë si pasojë e aktivitetit të vet patriotik në shërbim të Kombit dhe të Atdheut.

Lufta e fundit në Kosovë Muhamet Latifin e gjeti në postin e sekretarit të Degës së LDK-ës në Besianë,me ç’ rast z. Muhamet Latifi me gjysmën e kësaj Kryesie iu bashkëngjit njësiteve të UÇK-ës deri në mbarim të luftës duke luftuar me heroizëm të rrallë kundër okupatorit sllavo-komunist që po ushtronte gjenocid dhe pastrim etnik në këtë pjesë të nderë të Atdheut. Dhe si pjesë e këtij kontributi në shërbim të kauzës sonë kombëtare,z. Muhamet Latifi dhe bashkëluftëtarët e tij në vend që të dekoroheshin dhe të priteshin si heronj në Partinë që ata vet e ngritën,ata u përjashtuan?!

Andaj Balli Kombëtar,Komiteti për Rrethin e Llapit apelon në zërin e ndërgjegjes Kombëtare qe në zgjedhjet lokale të 15-të nëntorit të mbështetet energjikisht dhe pa hezitim kandidati ynë për Kryetar të Kuvendit Komunal në Besianë, z. Muhamet Latifi.

Njëherësh Balli Kombëtar,Komiteti për Rrethin e Llapit,apelon me zërin e arsyes të çdo anëtar të devotshëm të LDK-së që dënon korrupsionin dhe punon për ngritjen e vlerave morale në Komunën tonë që të votoi pa hezitim z. Muhamet Latifin,në shërbim të ngritjes së mirëqenies sonë “ekonomike dhe në interes të implementimit të demokracisë së vërtet të vlerave perëndimore ku nuk do të këtë segregacion partiak në mohimin e së drejtës për punë që po aplikon tash e 10 vjet partia në pushtet.

I bëjm me dije të gjithë anëtarët e devotshëm të LDK-së që LDK-ja e idealeve të tyre kur ajo ishte lëvizje gjithëkombëtare shqiptare tani më ka humbur çdo vlerë nga kjo përmbajtje duke u shëndrruar në ish-Lidhje Socialiste të popullit punues,andaj vlerat e vërteta të nacionalizmes shqiptare përfaqësohen pikërisht nga z.Muhamet Latifi si pjesë përbërëse e idealeve tona gjithëkombëtare,andaj ftojmë pjesën e zhgënjyer të LDK-së që pa hezitim të mbështesin kandidaturën për kryetarë të kuvendit komunal të Besianës,sepse vetëm përmes tij do të realizohen interesat vitale të qytetarëve të Komunës së Besianës dhe do të mposhtet korrupsioni që ishte bërë për një decenie me radhë pjesë e varfërisë sonë të skajshme.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30