Ferit Ramadani: Ilirida, rirreshtimi politik!

nga **Agim Gashi** Fri Oct 23, 2009 1:43 am

ILIRIDA, RIRRESHTIMI POLITIK!

Nga Ferit RAMADANI

Jeta e dekadave me licencë demokracie,në Maqedoninë unitare, në esencë ishte vetëm një puhizë, nëpër të cilën hapëruan ca faktorë ndikues , ndërsa në baltën e rrugëtimit zhvillimor u ngjizë byku ideologjizues i strukturuar nga social - komunizmi federalist, për ta bërë pogaçen e unitarizmit ortodoksist të drejtuar nga sërbo- maqedono - bullgarët, të cilët për një gjysmëshekulli amalgam, kishin dhënë aq këmbëngulje ta bëjnë korozionin deri në tretjen e tërësishme shqiptare! Nëpër këtë konkurrencë institucionale u ngritën mijëra varianta e alternativa goditjesh kundër shqiptarëve, që ata, pikësëpari , përpara botës të dalin e të mbesin përgjithmonë faktorët arrogantë, e pastaj, t’ua mundësojnë shtypësve të strukturuar në sistem dëshminë se: “shqiptarët në çdo hap e në çdo frymëmarrje mendojnë për trazira”!

Të vënë në shënjestrën e goditjeve nga amalgami sërbo - maqedono - bullgar, shqiptarët i detyroj të ndodhen në poligonin e përhershëm federalist të përndjekjeve deri në barbari, me moton se : Maqdonasit duan të bëjnë normë të lartë të civilizimit! Prandaj, ata duke pa se me shqiptaret nuk kanë shumë natyrshmeri, u drejtuan të krijojnë boshtin e tillë të sllavëve, ku Carorusia si Klloçka, përpiqet të krijojë mundësi zhvillimi per Kaukazianët e saj! Mulatët makosllavë,një popull tjeterfare, nga ai i Amzës së ndarë shqiptare, i cili ruajti identitetin , edhepse i shartuar me standarde qytetrimi sllavist, pa flamurin e vet, pa kulturën, pa pasur mundësi të mendojë kurrë për trungun e amzës prej nga e kishin ndarë, u perballë gjithmon per mbijetim, kunder atyre qe arritën ti kolonizojnë !

Politika e këtyre bizantinëve bizarë, ngriti paramatrat e mundshëm të normës së zhvillimit demografik, prej nga ndalohej norma e lindshmërisë ashtu siç ndaloheshin flamuri, emërat e vendeve që kishin theksin shqip, emërat e foshnjave, këngët, ngritjet e varreve. Po në këtë vargan ndalesash ishin kënga, dhe vaja! Domethënë, të këndoje për ndonjë rast jubilar, bie fjala si përvjetori i Skenderbeut, ose i Lidhjes shqiptare, apo ditës së flamurit, ishte po aq tragjike dhe ndëshkuese, sikur të bësh vajë mbi kokën e atyre martirëve shqiptarë që u kishin dhënë barot çetnikëve, vojvodëve apo heronjve të naconalçlirimtarëve proletarë të cilët ranë në tokat shqiptare vetëm për një qëllim: Ta mbjellin dhe zhvillojnë kryqin e thyer ortodoks të Sveti Savës!

Edhe në kushtet e atëhershme, por edhe sot shqiptarët në planin global të strategjisë së zhvillimit kurrë nuk kanë tentuar t’i interpretojnë interesat e tyre duke mos dashur të rrezikojnë interesat e të tjerëve. Aq më pak shqiptarët e okupuar në Maqedoni, si tërësi shoqërore, nuk kanë asnjëfarë elementi të jostabilitetit shoqëror e shtetëror! Ata kanë qenë gjithmonë me një energji vitale për t’i përmbushur kërkesat e domosdoshme të cilat , në dritën e kushtëzimeve janë reflektuar si stimulime shoqërore! Ndërsa në pozicionin e varësisë nga rrethina kanë qenë tolerues në linjat e sistemit ekonomik, në linjat e sistemit administrativ dhe në linjat e tërësishme të sistemit shtetëror. Prandaj, sot ata pengohen në varianta shumë kërcënuese nga qëllimet strategjike dhe ndikimet politike të bllokut maqedonas, që pretendon të jetë kryesor edhe në planin ndërkombëtar edhe në planin sovran të rregullimit shtetëror!

Nëse i marrim parasyshë gjithë ndodhitë brënda zhvillimeve në Maqedoni, del në shesh pasqyra e qartë e orientimit të strategjisë së maqedonasve të cilët, pa u kursyer shprehen direkt apo indirekt kundër përparimit dhe zhvillimit të bashkësisë shqiptare. Ata, pa i marrë parasyshë rrethanat , në relacion me marrëdhëniet ndërmjet dy bashkësive, kanë veçuar gjithmonë tek shqiptarët një palë ndaj të cilës kanë kërkuar ta godasin, ta shtypin , dhe ta heshtin nga kërkesa legjitime dhe e drejta natyrore e tyre. Prandaj, me të gjitha mundësitë manovruese janë përpjekur të krijojnë hapësirë që të mbërrijnë në një pikë lartësie, prej nga do të bënin goditjen , mbase me të do ta krijonin lëkundjen e shqiptarëve. Gjithë kjo ashpërsi veprimi, tek shqiptarët është përjetuar në variante të ndryshme, e megjithatë i ka detyruar ata të gjejnë alternativa elastike për t’u adaptuar nëpër rrethanat e tilla, e mbi të gjitha për ta formuar stabilitetin i cili në esencë ka qenë varianta e asaj pjese përbërëse që ka synuar ta bëjë sistemin e , me të , të qeverisë!

Këtë strategji racionale e ka kuptuar qyshkur struktura udheheqese e Iliridës, , e cila , pa dashur te rrënojë një sistem të tille me pretendime rigjide unitariste, ka hartuar variantin e mundshëm dhe tolerues të qeverisjes , ku do te shprehej parlamentarizmi! Ilirida, eshte qëllimi kryesor dhe synon t’i realizojë objektivat. Prandaj, në skenën e zhvillimit politik, duhet të bëhet një rirreshtim! Të zbatohen kërkesat! Të bëhen shpjegime! Kombinime të ndryshme të elementeve përbërëse! Me një fjalë, të bëhet kompozimi, prej të cilit kanë një qëllim: Si ta pengojnë rrugën e zhvillimit të kësaj strategjie politike te makounitarisë, e cila shënon në cakun e duhur, dhe për një afat të shkurtër kohor, ka radhitur një grumbull qëllimesh të zhvillimit ekonomik dhe politik te zhbejë shqiptarët.!

Për këtë synim misterioz, Ilirida, ia ka mbërri t’i qartësojë gjithë dilemat në relacion me forcat vendosëse të nderkombetarëve! Bile, është shumë e qartë se ajo synon t’i zbusë gjithë raportet duke i vënë ato në binarët real dhe kooperativ, në operimin e mundshëm të bashkëpunimit dhe në hartimin real të zhvillimit shoqëror. Gjithë kjo përpjekje e kësaj strategjie politike, kur e kur është përkrahur jo vetem nga populli shqiptar, por edhe nga numri i madh i anëtarëve qe jane te rreshtuar nëpër parti politike, qofshin pjesëmarrëse në pushtet, apo ne opozitë! Bastionet e bllokimit janë zbehur, sepse te gjithe e ndjejnë se janë goditur nga strategjia politike e maqedonasve unitare, te cilet, haptas ulurijnë se do ta perkrahin Qeverinë , si kanë bërë gjithmonë, për çeshtje qe ne esencë kanë qenë kundër shqiptarëve. Ata , bazohen në stimulimin e kësaj strategjie , e cila, pas daljes ne publik te Enciklopedise, dhe pas shenimit të Kufirit, ndermjet Kosoves dhe Maqedonisë, e cila, ia ka pervetësuar shumë hektarë tokë, i ka ashpërsuar sërish makounitarët, duke u dhanë mundësi dhe kurajo të hapin Kutinë e Pandorës dhe të kerkojnë zgjidhjen e Gorës dhe goranëve që i quajnë Makedonski muslimanë, Ata turren në Pustec e deri në Korçë te gjenë maqedonë te shqiptarizuar! Ky rikthim bëhet për arsyen e rrethxhirmit te sistemit i cili, u soll me kriminalizim ndaj shqiptarëve dhe sajoi për ta papërshtatshmërinë!

Në të vërtetë, rregullatorët e rirreshtimit politik , VMRO -LSDM-ja janë partitë që kanë nuanca te kundërta politike, por per asgje nuk dallohen kur vendosin kunder shqiptarëve! Shtirjet e LSDM, se nuk u pëlqen kursi i strategjisë së zhvillimit të VMRO - DPMNE, bashkëpunimi në relacionin reciprok me argatet, qe për nje cigare japin nje duzinë pakosh me duhan, ka ngritur peshë tek maqedonasit dhe ata, me një hallakamë ma shpejt duan t’ia lidhin hundë e buzë proceset shqiptare, duke internuar partite politike dhe kërkesat e tyre.

Në realitet, Ilirida nuk eshte dalje e ketyre kerkesave te sterkequra ! Partite politike pa vetëdijshëm hipin në trenin e thyqafjes! Ato janë goditur nga strategjia e tërësishme e bllokut ruso-sërbo-maqedonas dhe me procedura votimi janë eleminuar ne Parlament dhe Qeveri., Por, çështjen shqiptare e goditën edhe shqiptarët e profilizuar në këtë bosht veprimi dhe me krrokama kobbërëse, qyshkur, ia hapin varrin për ta vënë transhenë e rreshtimit kolonizim! Ky soj i përvjedhur kanë depërtuar dhe perpiqen të bëjnë rekrutë . Megjithatë, krijimi i një strukture të shëndoshë, siç ka synimin Ilirida, shpejt do të mundet t’i dallojë të gjithë. Transparenca e saj , pragmatizmi në këtë furtunë të tërhuzur të zhvillimeve politike, nuk u jep te drejte te deklarojnë ca deputetëve shqiptare, se ndjejnë gezim për shenimin e Kufirit, kur dihet se cenohet rëndë e drejta sovrane e nje Kombi për te qenë i bashkuar ne tokat e te parëve te vet!

Është e natyrëshme që maqedonasit të bashkohen në një transhe për ta marrë timonin qeverisës për krijimin e unitarisë. Bile, ata e kanë realizuar këtë detyrë!

Po përse shqiptarët, ashtu siç e kanë pasur amanetin nga të parët e vet , lejojnë shprishjen shqiptare ta ndërtojnë dhe ta sëndërtojnë emblemën pushtuese?!

Deri kur do të dalin kalorësit e atij rrugëtimi duke u bashkangjitur në radhët e kolonisteve shekullor?

Rregullatori i rirreshtimit, Ilirida, do të krijojë mundësitë e hapjes së ngushtuar në hapësirën zhvillimore të shqiptarëve . Për atë qëllim, ashtu siç veprojnë maqedonasit te bejne unitarinë duke dashur te zhbejnë shqiptarët, me partnerët e saj në opozitë apo në pozitë, edhe Ilirida, do të kthejë haraçin , për të cilin, ka shumë arsye të kërkojë qe kursi i monetës së saj, të bejë transakcionin per Unitet dhe Pavarësi te shqiptarëve! Është shumë e qartë se mund të mbesë në bilancin e atij kapitali kriminal , gërmadha kriminale e Maqedonisë Unitare, e cila përpiqen ta kthejnë në jetësimin e zhvillimit sistemor Inkuizicionin! Kjo strategji mishmashi e cila varet nga kushtet e rrethanat, ka mundësi t’i bëjë komponimet e tilla që t’i pastrojë hesapet duke dashur te shfarojë apo asimilojë një komb, per te cilin, Ilirida qyshkur e ka ngritur flamurin, dhe ai ne atë territor do të valojë ...!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30