Ceremonia, Ismail Kadare merr çmimin prestigjoz Asturias

nga **Agim Gashi** Sat Oct 24, 2009 1:24 am

Ceremonia, Ismail Kadare merr çmimin prestigjoz Asturias

Shekulli Online

Është duke u zhvilluar në Spanjë ceremonia e dorëzimit të çmimeve 'Princi Asturias'. Shkrimtari yne i madh Ismail Kadare mori çmimin prestigjoz në ceremonine madhështore që është organizuar në pallatin e Oviedo, qendra e Asturias. Sonte ndahen gjithsej 8 çmime për personalitete të fushave të ndryshme.

Duke e cilësuar si një nga autorët më të mëdhenj të letërsisë botërore, organizatorët e çmimit thanë që Kadare "përfaqëson majën e letërsisë shqipe dhe, pa harruar rrënjët e tij, ka kapërcyer kufijtë për t'u ngritur si një zë universal kundër totalitarizmit."

Çmimi u njoftua qe ne qershor dhe është një nga tetë çmimet Asturias qe jepet çdo vit për Artet, Sportet dhe për Harmoninë.

Juria, e përbërë nga Andrés Amorós, Luis María Anson, J. J. Armas Marcelo, Blanca Berasátegui, Pedro Casals etj., e kryesuar nga Víctor García de la Concha, ka deklaruar se çmimi Princi i Asturias për Letërsinë 2009, i jepet Kadaresë "për bukurinë dhe angazhimin e thellë të krijimtarisë së tij letrare.

Ismaíl Kadare tregon me një gjuhë të përditshme, por plot lirizëm, tragjedinë e tokës së tij, fushë e vazhdueshme betejash. Duke u dhënë jetë miteve të vjetra me fjalë të reja, shpreh të gjithë dhimbjen dhe ngarkesën dramatike të ndërgjegjes.

Angazhimi i tij i ka rrënjët në traditën e madhe letrare të botës helene, të cilën ai e projekton në skenën bashkëkohore si denoncim të çfarëdolloj forme totalitarizmi, në mbrojtje të arsyes."

Në njoftimin që i referohet vendimit të jurisë, thuhet se letërsia e Kadaresë do të tërhiqte vëmendjen për herë të parë gjatë viteve të regjimit shtypës komunist të Enver Hoxhës. Prozator, eseist dhe poet, vepra e tij do të bëhej më me nam ndërkombëtar pas azilit politik në Francë, më 1990-ën, thuhet në njoftimin e "Associated Press".

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30