Faik Krasniqi: Premtime virtuale

nga **Agim Gashi** Sat Oct 24, 2009 1:45 am

Premtime virtuale

Nga Faik Krasniqi

Me nje matematike te thjeshte,deri tash jane premtuar me shume se nje miliard euro investime nga subjektet pjesemarrese ne fushaten elektorale per zgjedhjet lokale te 15 nentorit.Larg realizmit ne Kosove,tubim me tubim,shesh me shesh,dere me dere,politikanet ua kane mesyre votuesve duke i mbushur me nje eufori te pashoqe.Imagjinata e tyre kete here ska kufi.

Disa nga premtimet financiare te partive politike

PDK;Kryetari i Partise Demokratike te Kosoves,Hashim Thaci,ne hapjen e fushates zgjedhore,premtoi se do te investohen ne Mitrovice ne kater vitet e ardhshme 120 milion euro,dhe premtime me te njejta shifra,apo edhe me shume beri edhe ne disa komuna te tjera.
LDK;Fatmir Rexhepi,kandidati i Lidhjes Demokratike te Kosoves per Gjilan,ne hapjen e fushates ne Gjilan,prezantoi oferten e tij per kater vjetet e ardhshem,qe ka peshen e 110 milion euro.
LDD-AKR;Nexhat Daci dhe Behgjet Pacolli premtuan se Pejes do t'ia kthejne primatin e qytetit me te bukur.Ndersa,kandidati i koalicionit AKR-LDD,Elmi Berisha,premtoi 300 milion dollare investime ne kater vjetet e pare te mandatit.
AAK;Kandidati i AAK-se,Ali Berisha,premtoi me shume se 3500 vende te reja te punes,nese fiton edhe nje mandat.
PSDK;Sadri Ramabaja,kandidat nga Partia Social Demokrate e Kosoves per Prishtinen,para qytetareve te Prishtines premtoi 3800 vende te reja pune brenda 24 muajve te ardhshem.

Po te marresh parasysh te gjitha premtimet qe japin,gjithandej Kosoves,lideret e partive me te medha ne vend dhe kandidatet per komuna,te krijohet pershtypja se Kosova do te behet vendi me i mire per te jetuar ne Evrope.Por,premtimet per investime qindra milioneshe,mbesin vetem premtime elektorale dhe si te tilla keto premtime jane te pabazuara ne realitet.Partite te cilat garojne ne fushate nuk kane as programe dhe as potencial qe t'i realizojne keto investime qindra milioneshe,kur kihen parasysh investimet e pakta qe kane ndodhur keto dy vitet e fundit.Nese keto premtime i krahasojme me investimet qe kane ndodhur keto dy vjet,do te shihet se keto premtime jane vetem te ekzagjeruara.Pastaj,ekzagjerimi i premtimeve gjate fushates elektorale i rrit pyetjet e zgjedhesve dhe kur fillon
qeverisja atehere ato pritje jane te medha,dhe keto pritje deshtojne te permbushen nga pushtetaret,atehere vjen zhgenjimi ne shume aspekte.Te gjithe aktoret politike,te perfshire ne fushaten elektorale,duhet te jene me te matur ne dhenien e premtimeve te tyre.Premtimet per investime per me shume se 100 milion euro per cdo komune,shihet qarte se jane te ekzagjeruara.Vetem ne dhjete komuna po te investohen nga 100 milion euro shihet se kjo eshte vetem shkaku i fushates dhe jo dicka konkrete.
Me nje buxhet pak me shume se nje miliard euro,duket e paimagjinueshme se shumat marramendese te premtuara nga politikanet te investohen neper komuna,do te realizohen.Projeksionet buxhetore nuk e kaperdijne dot nje parashikim te tille.
Fushata po behet virtuale nga dita ne dite dhe tashme asgje s'na habit.Kjo fushate lirisht mund te cilesohet si''fantastike'' ose ''fantastiko-shkencore''.
Nje fjale e urte popullore thote''Populli nuk hane bari''.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30