Gëzim Mekuli: Barbi-gazetaria

nga **Agim Gashi** Sun Oct 25, 2009 3:00 am

Mediat dhe Politika

Barbi-gazetaria

Gazetaria e Tiranës dhe e Prishtinës, është një arenë për ndjenjat e forta. Në mes shtypit partiak dhe atij amatoresk, sot ne ndeshemi me "gazetarinë e lotëve".

Nga Gëzim MEKULI, Oslo
Kritik i mediave

Ku gjindet gazetaria shqipe sot? Gazetari e aferave private? Në mes të gazetarisë partiake dhe asaj private kemi sot "gazetarinë e lotit". Gazetaria shqipe -e Tiranës dhe e Prishtinës- është një arenë për shfaqjen e ndjenjave të forta. Mediat janë duke prodhuar një klimë e një skenografi melodramatike; Ku aktorët politik dhe mediabërësit ”qajnë e vajtojnë”. Këta gazetarë e gazetare janë me plot ndjenja; Janë shumë "të ndieshëm". Gjatë një hulumtimi timin, të bërë nëpër mediat e Tiranës dhe Prishtinës, del se gjatë dhjetë viteve të fundit në gazetarinë shqipe fjala "ndjenjë” dhe fjalia "kam ndjenjën se”... është përdorur tre herë më shumë se fjala "mendim", ”besoj” dhe fjalët "Unë mendoj se…". Dhe, kur një gazetar apo një gazetare "moderne" shprehet se "Unë kam ndjenjen se..." lirisht mund të kuptoni se kjo do të thot: "Unë mendoj se..."

Teatri ynë politik i mediatizuar është një arenë e ndjenjave, apo emocioneve, siq shprehen gazetarët dhe gazetaret "moderne". Gazetaria jonë është një fushë ku mund të derdhësh lot, e të zbrazësh ndjenjat. Këta gazetar e gazetare të ndjenjave kanë bërë që në vend të logjikëzimit të opinionit dhe hapësirës publike, të kemi ”sentimentalizimin” e opinionit dhe hapësirës publike. E, kjo vecanërisht të bie në sy e të godet në vesh, kur në fjalimet dhe deklaratat e politikanëve dëgjon shprehjen si p.sh. "Kam ndjenjën se Partia ime” ....", "Ndenjat e mia më thonë se Kosova do të fucizohet" etj, etj.

Kjo gazetari e emocioneve është duke luajtur një rol të keq, e të madh, në kuptimin melodramatik të proceseve poltike në të cilën po kalon Kosova. Sot, gazetaria është kryeaktori dhe kryecelësi ku përmes sajë socialja dhe politika po emocionalizohet dhe intimizohet. Gazetaria ”jonë” infanteliste dhe gazetarucët ”tanë" më shpesh merakosen për temperaturën në debatet e shoqërisë sonë, se sa për përmbajtjen e debateve; I ipet rëndësi e hapësirë emocianilizimit dhe intimizimit të debatit, në vend të logjikëzimit dhe zhvillimit të sajë.

Kjo llojë gazetarie, sot për sot "nuk e ka njetin" të lirohet nga partia. Por, kjo të paktën do të duhej të fillonte spastrimin etik brenda vehtes së sajë. Epo mire, nësë gazetaria jonë po u larguaka nga partia, atëherë në cilin drejtim po shkojnë mediat tona? A kemi një gazetari logjike, germuese e kritike? Largimi i gazetarisë nga partitë politike nuk do të duhej të ngatërrohej me largimin e gazetarisë nga ideologjia. Këtu do të mund të flisnim për një ideologji të re, atë ekonomike.

Është pavarësia, ajo që është një ndër qëllimet më të dëshiruara në ideologjinë profesionale gazetareske. Por, shkëputja e gazetarisë nga partia keq-kuptohet edhe si shkëputje nga burimet e informacionit. Mediat ”tona” qëmoti janë të varura nga varësia e gazetarëve nga partia dhe "ndërkombëtarët e fortë e të gjithëdishëm". Nuk duhet harruar se gazetarët janë njëkohësisht regjisor dhe kritik të dramaturgjisë që këta e prodhojnë vet.

Kjo gazetari partiake ka kontribuar që debati politik, kulturor e i vlerave, në një shkallë mjaft të lartë, të ketë qenë i izoluar dhe i okupuar; Ky okupim i debatit të shoqërisë sonë ka qenë i pashëm edhe në taborrin e akademisë sonë të shkencave. Si pasojë e kësaj gazetarie të zezë sfera jonë publike ka humbur energjinë e saj karakteristike, dhe kjo si rezultat i një deficiti të një gazetarie mendimndërtuese e mendimkritikuese.
Në vend të sajë shqiptarët kanë ndërtuar "Barbi gazetarinë". Dhe mu këtë gazetari dhe këtë opinion e dëshironte UNMIK-u QEVERITARËT, e sot edhe EULEX-i.. Sepse, sot, lufta më e madhe është lufta për idetë, lufta për të kontrrolluar e zotruar mbi idetë e mendimet.

gezim@mekuli.com

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30