Tragjedia në lumin Tisa - Gjenden pesë viktima

Tragjedia në lumin Tisa - Gjenden pesë viktima

Arrin në pesë numri i viktimave të gjetura në lumin Tisa.



Për këtë tragjedi, së cilës ende nuk i dihet fundi, dy policët hetues të Policisë së Kosovës, nga dita e diel, janë në Hungari së bashku me prokurorin e EULEX-it, Francesko Mandoi.


Policia serbe, bën të ditur ka gjetur edhe dy kufoma që dyshohet të jenë të kosovarëve të mbytur si pasojë e përmbysjes së një barke, me të cilën dyshohet se 19 persona po kalonin ilegalisht nga Serbia përmes lumit Tisa për në Hungari. Sipas burimeve serbe, një kufomë e një vajze rreth 10-vjeçare është gjetur afër vendit të quajtur Adorjana, rreth 5 km larg Kanjizhës, ku janë gjetur edhe dy kufoma të tjera. Ndërkaq, afër vendit ku është fundosur barka, është gjetur trupi i një të riu të moshës 20-30 vjeçare. Gjykatësi hetues i Serbisë, Erne Berenji, ka konfirmuar gjetjen e këtyre dy kufomave. Ai ka thënë se te viktimat nuk janë gjetur dokumente identifikimi. Dy trupat e pajetë janë dërguar në morg për obduksion. Policia serbe dyshon se bëhet fjalë për 4 femra, 5 meshkuj dhe të tjerët fëmijë që janë mbytur në lumë.
Hetimet në lidhje me këtë rast është duke i kryer Njësiti Kundër Trafikimit me Qenie Njerëzore të Policisë së Kosovës dhe prokurorëve të EULEX-it.
Për këtë tragjedi, së cilës ende nuk i dihet fundi, dy policët hetues të Policisë së Kosovës, nga dita e diel, janë në Hungari së bashku me prokurorin e EULEX-it, Francesko Mandoi.
Situata e rënd sociale në Kosovë ka vazhduar të detyrojë shumë familje që të marrin rrugën e mërgimit, për të kërkuar një jetë më të mirë, duke mos marrë parasysh edhe rreziqet. Këtë situatë të rëndë janë duke e shfrytëzuar rrjetet kriminale për përfitime të majme. Në rajonin e Ballkanit sipas shumë raporteve këto grupe janë shumë të zhvilluara sidomos ato të trafikimit të qenieve njerëzore.
Edhe Komisioni Evropian në Raportin e progresit në Kosovë, trafikimin e qenieve njerëzore e ka identifikuar si njërin nga problemet e shumta të shtetit më të ri në botë, dhe ka bërë thirrje që të merren masa.
Tragjedia e përmbytjes së disa personave ka ndodhur në lumin Tisa mes qytetit Segedin dhe Subotica më 16 tetor. Dyshohet se në këtë rast 16 qytetarë nga Kosova kanë humbur jetën, derisa tentonin që me një barkë të kalonin lumin, i cili gjendet në kufirin Serbi - Hungari.