Gjakush Tana: MINIATURA POETIKE

Gjakush Tana: MINIATURA POETIKE

1. ( prelud)




Në damarët e jetës më rrjedh verdhësi
Muzgu më mbulon me ngujim!
Në heshtje përbijë të Rrufesë shëmti
Dhe mbjell n’ugarin e jetës - Blerim!

2. ideale!



Unë s’kam rënë ndonjëherë n’filozofi,
në matematikë dhe kërkime operacionale,
Unë ngatrrohem gjithmon në metrikë
kur të shoh ty se je ideale!

4.Përshkruaj portretin tënd

Përshkruaj portretin tënd dhe zërin
që befas më hy nëpër detin e vetmisë,
E di se prangat më kanë kurthuar
E di se jam udhëtar i stuhisë!






5.buzëqeshja jote

Nëpër ngricën që m’i ngrin damarët
bëj rrugën në mister e skëterrë,
ç’dehje më fal buzëqeshja jote
që më sjell blerim e PRANVERË!


6. (në sfond )




Në sfond rrëzoma mbërthen gjymtyrët
Përmasa e rrëfimit gulon në damar
Vaj e lot për Sirenat e pikëllimit
Për dashuri - Kosovën time të vrarë!


7.(shfrim )

Unë det vetmie nga jeta në jetë rropatem
Një botë kujtimesh më hap vrragë!
Ju - ortekë që më sillni rrëmbime
Dhe mbeteni plagë mbi plagë !


8. (soditje)


Përplasje si dallgët e detit ndjejë
Bullar’ i shpirtit tim shpërthen!
Çaste që ikën ndër biseda kohe
Vala e mallit me lot i rrëmben!

Gjakush Tana: 5.ngrysje vetullash

Me një ngrysje vetullash më ngrin
si acari që sjell ortekët e akullnasë,
në brendinë e zemrës sime atë çast
ngrijnë shpresat e sevdasë!