Xhevat Rexhaj: Të dilet - medoemos të dilet në zgjedhje me 15 nëntor

nga **Agim Gashi** Wed Nov 04, 2009 2:51 am

TË DILET- TË DILET - MEDOEMOS TË DILET NË ZGJEDHJE ME 15 NËNTOR

Serbët po i bojkotojnë gjithnjë zgjedhjet- e ne shqiptarët...

Nga Xhevat Rexhaj

Më rastisi të lexoi një shkrim të një publicisti shqiptarë nga Kosova ku ai shprehej se a duhet a nuk duhet të dilet në votimet e 15 nëntorit. Thënë të drejten disi mbeta i shtangur nga ai shkrim jo mirë i mprehur me laps dhe me mendje se a duhet të votohet a jo?!
Ne shqiptarët disi plot gojen e kemi demokraci, shkruajmë dhe flasim për të më shumë se sa ata që jetojnë në dhe me demokracinë me shekuj, pra mednojmë se dijmë shumë për këtë fjalë dhe për këtë mundësi jetësore që na ofrohet edhe neve ta sfrytëzojmë për të mirën personale dhe kolektive. Realitet është se neve me vonesë jemi kyqur në këtë realitet në këtë mundësi dhe në ketë fenomen shembullor për të krijuar vlera dhe për të zgjedhur mundësishtë të vyerit qër të na udhëheqin përpara në rrugën tonë drejtë mirëqenjesë dhe të ardhmës së begatë. Vetëm ata që nuk e duan demokracinë janë të yshturë që të hudhin në opinion fjalë të paargumentuara dhe të pamutura për atë se a duhet a nuk duhet të dilet në votime, pra thjeshtë medoemos duhet të dalë votuesi të votoi dhe të jetë pjesë përberëse e ndryshimeve demokratike. Ka të tillë që mbjellin konfuzion dhe mossiguri te votuesit se asgjë nuk zgjidhet nëse votohet sepse nuk kemi shumë vlera te ata që janë në lista se janë thuaja të njejtit dhe të korruptuarit. Në realitet te shumë kandidatë kemi përseritje dhe kemi nga at që nuk e meritojnë të jenë në lista, por ama vetë subjektet politike janë ato që bëjnë përzgjedhjen dhe vendosin emra e i mbetet votuesit-es që të reflektoi dhe të përqendrohet në atë apo ata kandidatë që ai i preferojnë dhe mendojn se mundë të sjllein të mira për votuesin vetë dhe për qytetin në përgjithësi.

Me dekada kemi kërkuar demokraci, kemi kërkuar që edhe ne të kemi të drejten që të zgjidhemi dhe të zgjedhim, andaj është domosdoshmëri dhe obligim moral qytetarë që ta shfrytëzojmë këtë të mirë që na u ka ofruar. Disi jemi të përqudshëm neve shqiptarët në disa sfera jetësore, dijmë të shajmë, të kritikojmë, të shkretojmë për të pamirat që enden rreth nesh në shoqërin kosovare por sa jemi edhe neve vetë duke i kontribuuar kësaj gjendjeje, sigurishtë shumë dhe me pavetëdije apo me vetëdije po lejojmë që partitë të luajnë pingpong me neve. Në ndeja të ndryshme dhe në shkrime të ndryshme vërehet se një numër i njerëzve thonë, jo more nuk dal në zgjedhje se asgjë nuk po bëhet për të mirë, nuk dalë në zgjedhje se janë të korruptuar, nuk dalë në zgjedhje se dihet kush fiton e marri të tjera. E tëra kjo shndrrohet në realitet njerëzit nuk dalin në zgjedhje dhe ato përfundojnë me dalje të vogël të qytetarëve, por ama partia që po fiton edhe nga dalja e 35% të votuesve , e që ajo parti i fiton dikund as 20% të votave e udhëheq komunën ose edhe Qeverinë sikur që është rasti me zgjedhjet e fundit parlamentare kur në votime ishin dalë dikund 37% e votuesve.

Që të ndalet ky fenomen athere votuesit shqiptarë duhet të vetdijësohen dhe ta kuptojnë mirë demokracinë se me dalje masive në votime zgjidhen më mirë problemet sepse ndodhin edhe rokada deri në qeverisjen vendore, kur dihet se ka parti që kanë antarë fanatikë dhe ata gjithhere janë te kutitë e votimit kurse ka partie tjera antarët e të cilëve thonë se jo more ka kjo parti boll antarë e edhe mos dalsha une në votime nuk bahet nami. Kjo nuk është qytetari kjo është një përqudni e rastit të vetë se të tillët më vonë më së shumti kritikojnë pushtetet e dala dhe partitë që nuk fituan më shumë. Duhet edhe një ta kuptojmë se nuk e kemi luksin e shteteve të mëdha dhe të forta ekonomikishtë dhe demokratishtë, ne jemi ende në pelena demokratike e për të mbajtur dhe forcuar shtet duhet të jetë çdo qytetarë aktiv e ajo kryesorja është mundësia e votimit. Ne disi ende po mendojmë se bota ende na ka në mëshirë, gabohemi ne nuk jemi kthiza e botës ,ne duhet të punojmë dhe angazhohemi një here më shumë se shtetet tjera për ta konsoliduar demokracinë dhe shtetin ligjor, duhet të ktjellemi dhe të shohim përpara bota po përparon e ne ende jemi me çiftelija e me llafe kafanesh se ky i keq ky i poshtër, ky i shantazhuar, ky hajn, ky kriminel e tjera, par ne jemi ata që ua ndalim hovin këtyre dukurive me votat tona e sidomos në këto zgjedhje duhet të dalin shumica apsolute e qytetarëve se përndryshe edhe ne po bëhemi bashkëpjesmarrës të lojrave të Serbisë, pra serbët nuk po dalin në zgjedhje e as shqiptarët- këtë duhet thënë haptas se me apo pavetëdije po bëhemi bashkëpjesmarrës të bojkotit zgjedhor.

Nëse qytetari i shtetit të ri të quajtur Republika e Kosovës nuk e sakrifikon një të diel për votime dhe ta deshifroi si një festë që iu ka ofruar që ta hudh voten e vetë në kuti, athere fatkeqësishtë nuk jemi të përgatitur dhe të aftë që të mbajmë dhe ta duam shtetin. Shteti nuk funkcionon pa votues athere ai kthehet në diktaturë, a ndoshta ne shqiptarët e duam dektaturën ku me e ditë...

Miku i shqiptarëve Klintoni porositi, ndertojeni shtetin dhe dëshirojeni të ardhmën e lumtur, nganjëher ma shqiptarë po duken miqët tanë se neve vetë, pra e ardhmja pret nga neve që të dalim në VOTIME me 15 nëntorë, le të fitojnë ata që marrin më së shumti kokrra.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30