Butrint Rama shpallet kampion botëror

Butrint Rama shpallet kampion botëror

Në një mbrëmje të thaiboksit në Vaduza
Butrint Rama shpallet fitues
Pas 1 minute e 31 sekondave, hungarezi Zsolt Nagy, e dorëzoi luftën duke mundësuar shpalljen e Buntrint Ramës fitues me KO teknik dhe kampion bote.

Në një mbrëmje interesante të thaiboksit në Vaduz të Lichtensteinit pos një varg meçesh tjera intersante ishin edhe dy meçe për titullin e kampionit botëror, në njërin prej të cilave merrte pjesë garuesi shqiptar Butrint Rama, 22 vjeçar, nga Ponasheci i Gjakovës. Sipas planit atë mbrëmje garuesi hungarez Zsolt Nagy në kategorinë super të mesme (deri 76,2 kilogramë) do të kishte një kundërshtar tjetër i cili u tërhoq dhe kështu Butrint Rama nga Wing Thai Gym Winterthur, hyri në këtë meç, pasi që sipas trajnerit të tij Azem Maksutaj, ishte mjaft i përgatitur.
Ishte kjo një luftë e paraparë për 5 raunde nga 3 minuta për titullin e kampionit botëror në versionin WFC, mirëpo ajo zgjati vetëm 1 minutë e 31 sekonda ngase nga këndi i garuesit hungarez u dorëzua ky meç. Ishte kjo një fitore me KO teknik dhe kjo u shkaktua ngase hungarezi pak çaste më parë goditi me këmbë brrylin e garuesit shqiptar dhe me këtë ai pësoi një thyerje të ashtit dhe kjo bëri që ai të mos e vazhdoi meçin.
-Ne ishim bërë gati për një meç tjetër. Butrinti ishte mjaft mirë i përgatitur dhe ky meç kundër hungarezit Nagy erdhi ashtu spontanisht. Rama para pak kohe kishte ngadhnjyer në një turne në Zürich duke mundur garuesin më të mirë në Evropë, prandaj iu dha ky rast. – tha trajneri i tij Azem Maksutaj, 14 herë ish-kampion i botës.
Ndërkaq Butrint Rama deklaroi: Jam shumë i lumtur. Meçi ishte më i fortë se sa kam menduar, por e falënderoi Zotin që unë tash jam kampion bote. Tash pason pushimi prej dy muajsh e pastaj do te kem meçin e parë për të mbrojtur këtë titull. - tha ai.
Pos një varg meçesh interesante atë mbërmje në Vaduz garuan edhe disa garues shqiptarë. Fatmir Vejseli i peshës 72.56 kilogramë (Arena Thai Gym Rorschach) fitoi meçin kundër turkut Tasan Dogan (Diamond Gym Basel) e Ylli Rashiti i peshës 82,55 kilogramë (Kickbox Rheintal) që mundi Murat Oushen (Frankfurt - Gjermani). Në program ishte edhe një meç mes dy garuesve shqiptarë: Leotrim Morinës (Wing Thai Gym Buchs) dhe Burim Aliut (Diamond Gym Basel) në peshën deri 72,58 kilogramë. Lufta e tyre zgjati 3 raunde nga 3 minuta dhe në bazë të vendimit të gjyqtarëve fitorja i takoi Morinës, sikurse edhe Vejselit e Rashitit me poena 3:0.
Myftar Halili