Jehona e zgjedhjeve

NATO përshëndet zgjedhjet në Kosovë



Sekretari i përgjithshëm i NATO-s, Anders Fog Rasmusen ka uruar sot qytetarët dhe autoritetet e Kosovës për mënyrën se si janë zhvilluar zgjedhjet e së dielës.
Në një deklaratë të posaçme, shefi i NATO-s ka shprehur posaçërisht kënaqësi për pjesëmarrjen e serbëve të Kosovës në zgjedhjet e 15 nëntorit, duke e quajtur këtë si akt inkurajues për të ardhmen e tyre në Kosovë.
Rasmusen poashtu ka ripërsëritur se NATO-ja do të vazhdojë të krijojë një mjedis të sigurtë dhe stabil në Kosovë.


Rasmusen përgëzon autoritetet në Kosovë për votime të qeta e pa probleme

Deklaratë e Sekretarit të Përgjithshëm të NATO-s për zgjedhjet në Kosovë

Sekretari i përgjithshëm i NATO-s Anrdea Foghs Rasmusen ka përgëzuar qytetarët dhe autoritetet e Kosovës për mbajtjen e zgjedhjeve të para lokale në Kosovën e pavarur.
“Unë përgëzoj autoritetet në Kosovë për organizimin e suksesshëm të zgjedhjeve, si dhe popullin e Kosovës për mënyrën e votimit të qetë e pa probleme, në të cilën u kryen zgjedhjet e së dielës. Unë jam i inkurajuar nga pjesëmarrja e shumë serbëve të Kosovës në këto zgjedhje, për të cilët duhet bërë që t`u rritet besimi që zëri i tyre të dëgjohet. NATO do të vazhdojë të punojë që të sigurojë një mjedis sa më të sigurt në Kosovë”, thuhet në deklaratën për shtyp të Sekretarit të Përgjithshëm të NATO-s, Anrdea Foghs Rasmusen.
Të dielën votuan më shumë se 700 mijë qytetarë të Kosovës në zgjedhjet e para pas pavarësisë së vendit, në të cilat për herë të parë kishte rritje të ndjeshme të numrit të votuesve serbë, duke përjashtuar veriun, ku thuaja nuk morën pjesë fare në votime.
/B.Sina/

BE përshëndet zgjedhjet në Kosovë





Presidenca suedeze e Bashkimit Evropian e ka përshëndetur “rrjedhën e rregullt” të zgjedhjeve të para në Kosovën e pavarur, duke e theksuar pjesëmarrjen e gjerë të pakicave etnike.
Fakti që grupet etnike dolën në votime ishte “shprehje e përkushtimit të votuesve për konsolidimin e mëtejmë të shoqërisë demokratike dhe shumetnike në Kosovë”, thuhet në deklaratë.
Kryesuesja së BE-së më tej shfaq shpresën se edhe rrethi i dytë i votimit në 13 dhjetor do të kalojë qetë ashtu si i pari, ndërsa për organizmat vëzhgues porositet që “t'u ofrohen të gjitha resurset dhe mbështetja e nevojshme”.

Parlamentarët francezë vlerësojnë zgjedhjet në Kosovë



Përmes një komunikate për opinion Ambasada e Francës në Prishtinë ka njoftuar se një delegacion parlamentar francez i përbërë nga Christian Menard, deputet në Finistère, dhe Brigitte Bout, senatore në Pas-de-Calais, ishte prezent në Kosovë me rastin e zgjedhjeve lokale të 15 nëntorit.
Ky delegacion i gëzohet pjesëmarrjes së lartë të votuesve. Veçanërisht ka vlerësuar kënaqshëm pjesëmarrjen e votuesve kosovarë-serbë, ani se në pjesën veriore pjesëmarrja nuk ka qenë aq e lartë, siç do të ishte dëshiruar.
Delegacioni ka mundur të konstatojë në qendrat e votimit që i ka vizituar në Mitrovicë, Zveçan, Zubin Potok dhe Graçanicë, se organizimi i përgjigjej krejtësisht kritereve ndërkombëtare në këtë çështje.
Delegacioni konsideron se këto zgjedhje paraqesin hapin e parë inkurajues në rrugën e normalizimit të raporteve në mes të komuniteteve dhe shpreson që kjo pjesëmarrje e mirë do të mundësojë vazhdimin e decentralizimit në dobi të dy komunave që duhet të krijohen në gjashtë muajt e ardhshëm në Mitrovicën veriore dhe Partesh, thuhet në komunikatën për opinion të lëshuar sot nga Ambasada e Republikës së Francës, në Prishtinë.

Londër: Zgjedhjet pozitive, korrigjoni parregullsitë



Shefi i diplomacisë britanike David Miliband ka uruar popullin e Kosovës për mbajtjen e zgjedhjeve të para që nga shpallja e pavarësisë.
“Zgjedhjet e para në Kosovë që nga pavarësia kanë shënuar pjesëmarrje të mirë nga të gjitha komunitetet në Kosvë. Kjo është një shenjë e rëndësishme e krijimit në Kosovë të një shoqërie të fuqishme shumëetnike. Këto zgjedhje nuk ishin për statusin por për një qeverisje më të mirë lokale”, thuhet në deklaratën e diploamcisë britnaike.
“Mirëpres suksesin, por janë raportuar disa parregullsi të procesit. I nxis partitë politike të zgjidhin pparregullsitë përmes kanaleve ligjore të Komisionit të Ankesave në KQZ”, deklaron Miliband.
Ai kërkon angazhim dhe respektim të standardeve ndërkombëtare gjatë raundit të dytë të zgjehdjeve dhe votimeve të pranverës në komunat e Parteshit dhe Mitrovicës së Veriut.

Feith: Uroj popullin e Kosovës për zhvillimin e zgjedhjeve lokale



Në deklaratën e Përfaqësuesit Special të Bashkimit Evropian, Pieter Feith, thuhet:
"Uroj popullin e Kosovës për zhvillimin përgjithësisht të rregullt të zgjedhjeve lokale dhe për atmosferën e mirë dhe konstruktive që ka mbretëruar. Kjo e ndihmon Kosovën në tranzicionin e saj drejt një shoqërie shumetnike dhe në përpjekjen e saj për të sjellë qeverisje më efektive dhe më afër popullit.
Puna e zellshme që është bërë deri më tani nga autoritetet e Kosovës, siτ është Komisioni Qendror i Zgjedhjeve, për të cilat këto ishin zgjedhjet e para për të cilat ato kanë pasur përgjegjësinë e plotë, si dhe përkushtimi dhe angazhimi rrënjësor i shoqërisë civile në vëzhgim ishin thelbësore për këtë rezultat pozitiv. Secila ankesë do të trajtohet nga institucionet përkatëse në Kosovë, në veτanti nga Komisioni i Zgjedhjeve për Ankesa dhe Parashtresa konform kornizës ligjore në fuqi.
Pjesëmarrja përgjithësisht e mirë në këto zgjedhje, përfshirë komunat e reja dhe nga radhët komunitetit serb të Kosovës, tregon se ka vullnet në mesin e të gjitha komuniteteve për ta marrë të ardhmen në duart e tyre dhe për ta ndërtuar një të ardhme të qëndrueshme në Kosovë.
Bashkimi Evropian po i përcjellë këto zgjedhje nga afër me besimin që udhëheqësit politikë në Kosovë do tÆi trajtojnë rezultatet dhe përgatitjet për raundin e dytë të zgjedhjeve në dhjetor, me frymën dhe maturinë e mirë si deri më tani. Shpresoj se do të ketë pjesëmarrje krahasimisht të lartë edhe në garat e raundit të dytë për zgjedhje të kryetarëve të komunave.
Këto zgjedhje lokale paraqesin një hap thelbësor në angazhimin e Kosovës për të ndërtuar një shoqëri shumetnike dhe stabile, duke kontribuar në bashkëpunimin rajonal drejt avancimit të mëtejmë të perspektivës evropiane si pjesë e Ballkanit Perëndimor", thuhet në fund të deklaratës të Përfaqësuesit Special të Bashkimit Evropian, Pieter Feith.