Faruk Buzhala: Kur ikën mendja

Faruk Buzhala: Kur ikën mendja

Mendimet ekstenzive janë postulate antinomiane,për kazualistët kjo vie si një regres minimalist,ndërsa për finalistët ky është një progress maksimalist.Nga parimi i entropisë libidoja e shtyen të ecën lokomotivën në mënyrë dekonstruktive.Derisa ti e gjen Alefin,e kupton se e tëra nuk është asgjë tjetër pos alegori sinjifaktive e shkaktuar nga hiperboliteti i hapsirës që parabolizon kohën në lloj lloj variantesh numizmatike.Ekuivoku i abstragimit të topave të biliardos vie nga goditja obskurantiste me shtek,nga pozita infantile.Kjo shkakton lëvizje arketipale që nxitë energjinë strukturale të reagojë në mënyrë mekanike duke shkaktuar disasacion të personalitetit deri në asociacion.
Po të studiohet ky fenomen në mënyrë introversive,do të dalë në pah qartë absurditeti i temës subjektive me simptome efektive për çdo process fiziologjiko-mendor.Struktura e tërë kësaj ekperience fantastike ç’rregullon botëkuptimet entropike të fituara si ekstraversion.Si pasojë e kësaj vie deri te fërkimi në mes të diastolës dhe sistolës.Shkaku i gjithë kësaj pason në fokus tërë energjinë nukleare duke korentuar botën.Pra,kjo çështje kosmopolite ndikon në të gjitha suazat megalomane që absorbohen nga rrezet ultraviolete.Biofilogjia ndeshet me parimet nekrofile duke kordinuar masa substanciale të substrateve organiko-materiale.Këtu nuk bëhet fjalë për defragmentimin e materies,nuk bëhet fjalë as për argumentet leksikografiko-linguare,thjeshtë e ngjeshur del në pah traktati i semiotikës së përgjithshme,që thotë:’’la disposition des matiëves est nouvelle.’’
Frazeologjia e tërë kësaj është disociabolitet kaotik i psikës që ngacmon libidon inkoherente me figurat e komplikuara dramatike,didaktike,vizuele,akustike,elektrike,relaksuese,fatamorganike,etj.Në këtë rast dalin në sipërfaqe disa formula magjike me arketipe autentike të libidos.Procesi konfiguracional i njeriut rrjedh pa vërejtur ndryshimet kompleksive që shkaktojnë ç’rregullime gastronomike në të folur.Hipoteza e tërë kësaj është kreatimi i jashtëm transhendent i tij.Vrojtimi dhe klasifikimi i përshkrimit shkakësor gjen tërheqje në pistat e modës ku defilojnë siluetat ego-kompleksive të dirigjuara nga ritmet rawe-tehno-kompjuterike.Mbi të gjitha këto stereotipe me numenin hyjnor,dallon patjetër një figurë që rrezaton lumen natyror.Emblema kualifikuese e temës figuron në tiparin dallues të ekzagjerimit të retinës së syrit të djathtë që si një lavjerrës tregon ekuinoksin.Numinoziteti në këtë mbështjellës mumijëzon thelbin e rrjedhës së gjenialitetit të njeriut modern të apostrofuar në një program digjitalo-vizuel.
Mobilimi ekstravagant i forcës fizike nuk balancon fare energjinë psikike,e cila inserton trurin e njeriut të mbyllur në një simetri kosm(o)etike të fytyrës.Dhe,për fund,duhet cekur se,në vorbullën e temës së cekur më lartë,në formë të paqartë dalin në sfond të gjitha të palarat e masës sasiore,të krijuar nga një influencë e masës kualitative të lëndëve të pakuptimta,duke mos e harruar narratologjinë komplikuese të gjërave të cekura pak më parë.

01 dhjetor ’06 e premte