Skender Korça: Qiell i kufizuar

Skender Korça: Qiell i kufizuar

Që kur erdha, e dija se po kthehem
Prej andej kah vijnë pëllumbat
Qiellin ma mori mordja
E ngjyrën zi ma fali fati
Rriten ëndërrat për dashuri
Sepse lakuriq erdha përtej qiellit
Sa herë më është zënë fryma
As që kam gjëmuar ndonjëherë
As kur gjak derdhja nga plaga e jetës
Kur djersën time ja fala atyre pa sy
Kur ju thoja se duhet të këndonim përtej harrimit
Emrin e mësuesit tim që i kam kënduar përditë
Babait tim që më thirri ta takoj edhe andej qiellit
Për të besuar se po knaqem në fluturim
Për të thënë se kemi ikur pa ju
Për të plotësuar shpirtit tim të trazuar
Dëshirën qiellore të një çasti
Ylberin mbulojë do ta kam
Për të shkëlyer në vezullim fytyra ime
Në ditën e bankës së zezë
Pa faj, pa djallëzi e pa frikë
Qiellit të kufizuar për tja mbyllur gojën
Duke i fol sikur këndej ylberit butësisht
Erdha dhe jam i juaj nën këtë qiell të kufizuar