Vdiq veprimtari dhe atdhetari Abdyl Krasniqi

nga **Agim Gashi** Mon Dec 21, 2009 2:29 am

Vdiq veprimtari dhe atdhetari Abdyl Krasniqi

b.s
Abdyl Krasniqit, është njeriu i parë që zbuloi eshtrat e heroit tonë kombëtar, Azem Galica dhe babai i dëshmores së kombit, nga lufta e fundit çlirimtare, Xhevë Krasniqi - Lladrovci.

Vdiq veprimtari dhe atdhetari Abdyl Krasniqi 21-Abdyl%20Krasniqi_21

Drenoc, 20 dhjetor

Në moshën 70-vjeçare ka ndërruar jetë veprimtari i njohur i çështjes kombëtare, intelektuali dhe profesori Abdyl Krasniqi. Ai ishte i lindur më 1 maj 1939 në Drenoc të Malishevës. Profesor Abdyli tërë jetën ia kushtoi lirisë dhe pavarësisë së Kosovës, duke kontribuar bashkë me gjithë familjen e tij në të gjitha format për arritjen e këtyre synimeve madhore. Për disa vjet shpërndau rrezet e diturisë në Ujmirë, Malishevë e Drenoc. Por, kjo ndodhi për një kohë të shkurtër, ngase shpejtë ia hoqën ditarin nga dora. ”Të arrestohet irredentisti me bindje nacionaliste Abdyl Krasniqi!”- shkruhej në urdhrin e dal nga zyrat e UDB-së jugosllave.

Profesor Abdyli, ishte dhe mbetet njëri nga veprimtarët më të palodhshëm të historisë së re kombëtare. Gjatë luftës çlirimtare të viteve 1998-1999, familja e profesor Krasniqit dha një kontribut të çmuar, duke qenë e angazhuar drejtpërdrejt në radhët e Ushtrisë Çlirimtare të Kosovës, në Zonën Operative të Pashtrikut. Abdyl Krasniqi, është babai i heroinës së luftës çlirimtare të Kosovës, luftëtares së shquar të UÇK-së, Xhevë Krasniqi - Lladrovci, e cila bashkë me bashkëshortin dhe bashkëluftëtarin e saj, Fehmi Lladrovcin, ranë heroikisht në vitin 1998 në betejë të ashpër me forcat serbe në rajonin e Drenicës. Mbarë opinioni ynë është i njohur edhe me aktin e lartë kombëtar të Abdyl Krasniqit, që ishte njeriu i parë që zbuloi eshtrat e heroit tonë kombëtar Azem Galica. Në vazhdimësi, profesor Krasniqi kishte inicuar dhe inkurajuar ngritjen e Kompleksit Monumental të Azem Galicës. Profesor Abdyl Krasniqi është autor i shumë librave dhe shkrimeve për historinë dhe lirinë e kombit shqiptar.

Varrimi i tij u bë të dielën, në varrezat e fshatit të tij të lindjes, në Drenoc të Malishevës, në praninë e një numri të madh të qytetarëve nga të gjitha anët e Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30