Protestues iranianë vriten në protesta

Protestues iranianë vriten në protesta

Në
kryeqytetin e Iranit, Teheran, ka patur përleshje mes forcave të
sigurisë dhe protestuesve të opozitës që janë mbledhur në qendër të
qytetit.


Njoftohet se të paktën katër protestues janë vrarë, mes tyre dhe nipi i jërit prej udhëheqësve të opozitës, Mir. Hussein Musawi.

Njoftohet se Seyed Ali Mousavi u vra gjatë protestave në sheshin Enghelab në qytet.

Autoritetet nuk e kanë pranuar se ka patur viktima në mesin e protestuesve.

Partitë iranianë të opozitës kishin bërë thirrje për të protestuar
në mbarë vendin për të shënuar Ashurën, një prej ditëve më të
rënëdishme në kalendarin fetar të shiitëve myslimanë.

Fillimisht forcat e sigurisë në Teheran përdorën gazin lotsjellës
dhe bllokuan disa rrugë për të mos i lejuar njerëzit që t'i bashkohen
protestës.

Të shtëna

Korrespondentët thonë se Ashura është një ditë kuptimplotë për shiitët: ditë në të cilën nderohet beteja kundër shtypjes.

Në këtë ditë, iranianët tradicionalisht dalin nëpër rrugë në mënyrë
masive për të marrë pjesë në ceremonitë e ndryshme që zhvillohen në
vend.

Policia dhe pjesëtarët e forcave të rendit ishin dukshëm të
pranishëm në rrugët e Teheranit të dielën dhe nisën të shpërndajnë
protestat që nga fillimi.

Ata përdorën gazin lotsjellës dhe shkopinjtë e gomës për t'i shpërndarë protestuesit. U dëgjuan dhe të shtëna.

Ndërrim taktike

Fillimisht dukej se ato ishin në ajër, por njoftohet se të paktën katër protestues janë vrarë.

Një gjë e tillë do të përbënte një ndryshim të madh të taktikës që kanë ndjekur forcat e rendit.

Dëshmitarët flasin për skena kaotike në kryeqytet.

Disa prej tyre thonë se policia humbi kontrollin dhe nisi të qëllojë mbi turmat.

Autoritetet megjithatë nuk e pranojnë se ka patur viktima.