Gjakush Tana: NË KËTË NISMË VITI

Gjakush Tana: NË KËTË NISMË VITI


Nëpër hapa shtigjesh duke kërkuar dritën
sa yje qiellit sa meteor ndizen , shuhen !
Oshtimë e furishme - godit dhe përgjak rritën ,
për tirani e ndjekje - në memorje ruhen!

Ti vjen si qengj që do ujë burimi
dhe ndesh në dhëmbë egërsire - që grin!
Përbindshëm ndizen ndjenjat , nis tërbimi ,
një zë bisharësh - pandal ulërin!

Më mbuloj dëshpërimi , një fjalë se fola !
Përpëlitesh mes egërsirave - të jap uratë !
Sa katandi e zgripe ! Tek ti nuk dola !
Por, zemra më guloi pikëllim ! Mandatë !

Në kufindarje janë gjithë djallëzitë !
Ne - viktima shekullore ! Na ndanë në zemër!
Përse lindëm dhe plakemi pa ia parë sytë ?
Ashtu si e do Atdheun ta thirrish në emër!

Edhe njëherë në këtë nismë viti : Kushtrimi !
- U bëftë i shenjtë për atë rrugë të mbarë !
Përjetësimi jonë është Bashkimi !
Të nënës Shqipëri - jemi ushtarë !