Gjakush Tana: NË KËTË KOHË KUR BISEDOJMË

Gjakush Tana: NË KËTË KOHË KUR BISEDOJMË



( miniatura )


1.
Në pritje mbes e ngrij si magma
sytë më erren kur shikoj mbi xhama !
Ishe ti Zhulijeta që e ndoze siparin,
apo, unë Romeo - aktor në drama ?!

2.

Eja ! Çdo çast të pres ! Të pres !
Si rrezen që e pret lulja e pranverës !
Fjalkalimin e di për ta hapur linjën
s'ka mur kinez në pragun e zemrës !

3.

E kuptoj ! Ti s'erdhe ! Unë të pres !
Pa Ty - mbeta i shkretë ! I mllefosur !
Në damarët e zërit - kënga pa shpresë,
digjet nga malli - e sakatosur !

4.

Je shenjtore apo hënë që del në Mesnatë
vezullon si rreze - sjell dritë agimi!
Në shpirt sërish më derdh dallgë - shtërngatë!
Në log të përballjes më thërret kushtrimi !

5.

Prej në cilin qiell nisesh si Perëndi
në zemër më mbërthen me afsh
dy sy bojëqielli më bëjnë det me shi,
në katandi kam ngecur apo dal në rrafsh ?!

6.

Për sonte E*trita këtë kuvend e ndalim
i ftojmë të tjerë le të hedhin ide,
qëndro madhështore se pa idealin
s'ka dashuri , nuk ka At Dhe !