Lexoni e mos beson, ose besoni se në Kosovë ndodhin çudira

Gjashtë veta në burg për 50 euro
Orhan Bojnik (1948), Blerim Krasniqi (1973), Ramiz Musliu (1977), Agron Bajrami (1968), Xhemil Hashani (1970) dhe Ismail Qestenegjiu (1970) janë emrat e të arrestuarve që po mbahen në paraburgim prej 72 orësh nën dyshimin se kanë marrë ryshfet.


Nga F. Ismajli më 28.01.2009 në ora 19:15

Gjashtë punëtor të KEK`ut janë arrestuar sot në Prizren nën dyshimin e kanë marrë pesëdhjetë euro ryshfet nga një qytetarë në këmbim të kyçjes në rrjetin elektrik. Zëdhënësi i Policisë së Kosovës, Veton Elshani ka konfirmuar se gjashtë punëtorët e KEK`ut, janë dërguar prapa grilave, pasi dyshohet se ata i kanë kërkuar një qytetari 50 euro ryshfet.

“Sot me datë 28.01.2009 rreth orës 14:00 Drejtoria e KEK –ut ne Prizren ka njoftuar Policinë se një qytetar ishte ankuar tek ata, se një ekip i KEK-ut i mirëmbajtjes së rrjetit kishte kërkuar atij 50 euro për t`ia kyçur rrymën, pune që duhej të kryhej nga KEK pa ndonjë kompensim”, thuhet në njoftimin e Policisë.

Policia ka bërë ndalimin e gjashtë punëtoreve te KEK-ut, kurse tek njeri ka gjetur bankënotën prej 50 me numër serik të njejtë me bankënotën e fotokopjuar.

Orhan Bojnik (1948), Blerim Krasniqi (1973), Ramiz Musliu (1977), Agron Bajrami (1968), Xhemil Hashani (1970) dhe Ismail Qestenegjiu (1970) janë emrat e të arrestuarve që po mbahen në paraburgim prej 72 orësh.

“Pas intervistimit të tyre ne konsultim me prokurorin publik të gjithë të dyshuarit e lartcekur janë dërguar në Qendrën e Ndalimit ne Prizren”, ka bërë të ditur Zëdhënësi Elshani.

Për 50 euro burgosen pesë persona e që don me thënë nga dhjetë euro për person. Ndersa në anën tjetër vidhen milionat dhe nuk burgoset askush. Çudi të tilla që janë për në librin e Ginisit ndodhin në hapsirat shqiptare!